धुळे: माजी मंत्री, खान्देश नेते दाजीसाहेब तथा धुळे ग्रामीणचे आमदार कुणाल पाटील यांचे वडील रोहिदास पाटील हे आपल्या मुलीकडे कोल्हापूर येथे भेटण्यासाठी गेले असतानाच त्यांची अचानक प्रकृती बिघडली. त्यानंतर त्यांना तात्काळ पुढील उपचारासाठी कोल्हापूर येथील रुग्णालयात दाखल करण्यात आले आहे. त्यांचे फुफ्फुस कमी क्षमतेने काम करीत असल्याने त्यांना अतिदक्षता विभागात व्हेंटीलेटरवर ठेवण्यात आले असल्याची माहिती देण्यात आली आहे.
शाळेत कार्यक्रमासाठी जेवणाची तयारी; तेवढ्यात गॅस लीक झाला अन् सर्वांची तारांबळ, मात्र लाईनमॅन ठरला देवदूत
मिळालेल्या माहितीनुसार, कोल्हापूर येथील साई कार्डियाक सेंटर येथील आयसीयूत डॉ. चंद्रशेखर पाटील आणि कोल्हापूर येथील फुफ्फुसतज्ञ त्यांच्यावर उपचार करीत आहेत. डॉक्टरांनी त्यांच्यावर वेळीच योग्य उपचार केल्याने त्यांनी उपचाराला चांगला प्रतिसाद दिला. मात्र, कालपासून प्रकृती गंभीर झाल्याने त्यांना अतिदक्षता विभागात व्हेंटीलेटरवर ठेवण्यात आले असल्याची माहिती समोर आली आहे. माजी मंत्री रोहिदास पाटील यांचे सुपूत्र विनय पाटील, धुळे ग्रामीणचे आमदार तथा काँग्रेस पक्षाचे कार्याध्यक्ष कुणाल पाटील हे काही दिवसांपासून कोल्हापूर येथे त्यांची देखभाल करत आहेत.

धुळे जिल्ह्यातील सर्व कार्यकर्ते आणि हितचिंतकांनी काळजी करण्याचे कारण नाही. त्यांनी कोल्हापूर येथील रुग्णालयात न येता आपल्या घरीच माजी मंत्री तथा खान्दे चे नेते रोहिदास पाटील यांच्या दीर्घायुष्यासाठी प्रार्थना करावी, असे आवाहन आमदार कुणाल पाटील यांनी कार्यकर्त्यांना केले आहे.