सर्वेक्षणाच्या पहिल्या दिवशी अनेक प्रगणकांना सर्व्हरबाबत अडचणींना सामोरे जावे लागले. प्रगणकांच्या मोबाईलमध्ये सर्वेक्षणाचे अॅप डाऊनलोड करण्यात आले आहे. त्यामुळे अनेक ठिकाणी सर्वेक्षण करताना सर्व्हर मंदगतीने सुरू असल्याचे दिसून आले. तसेच एका घरात अॅपद्वारे माहिती भरण्यासाठी सुमारे २० ते २५ मिनिटांचा वेळ लागत असल्याचे प्रगणकांनी सांगितले. दरम्यान याबाबत निवासी उपजिल्हाधिकारी ज्योती कदम यांनी सांगितले की, पुणे जिल्ह्याच्या ग्रामीण भागात मराठा समाजाचे सर्वेक्षण करण्याचे काम सुरू झाले आहे. पहिल्या दिवशी अपमध्ये तांत्रिक अडथळे आले असून ते दूर केले जातील. तसेच मुदतीत हे सर्वेक्षण पूर्ण केले जाईल.