यावेळी सालियन यांच्या पत्नीने मध्यस्थी करण्याचा प्रयत्न केला असता त्यांच्या अंगावर धावून जात अश्लील भाषेत शिवीगाळ केला गेला. तसेच सालियन दाम्पत्याला बिल्डिंगच्या जिन्यात ढकलून देत त्यांच्यावर विटा आणि लाकडी फ्रेम सुद्धा फेकण्यात आली. या हाणामारीदरम्यान सालियन यांच्या पत्नीस गंभीर दुखापत झाली असल्याची तक्रार सदानंद यांनी पोलिसांकडे केली आहे. हे प्रकरण ६ जानेवारी २०२४ रोजी घडले.

सालियन यांनी यासंदर्भात X खात्यावर व्हिडीओ शेअर करत मुख्यमंत्री शिंदेंसह पोलिसांना सुद्धा टॅग केले आहे. तक्रारपत्रात असणारा उल्लेख आणि सालियन यांच्या खात्यावर दिसणाऱ्या व्हिडीओनुसार, सालियन आपल्या पत्नीच्या उपचारासाठी त्यांना घेऊन दवाखान्यात गेले असता आरोपी पाटील कुटुंबाने सालियन यांच्या गाडीची सुद्धा तोडफोड केली. याप्रकरणी रामनगर पोलीस स्थानकात रोहित पाटील, उजाला पाटील आणि अमृता पाटील यांच्यावर कलम ३५४ व ३२५ नुसार गुन्हा दाखल करण्यात आला आहे.