म. टा. विशेष प्रतिनिधी, नाशिक : नाशिकची लोकसभेची जागा सध्या शिवसेना शिंदे गटाकडे असून, त्यावर भाजपकडून दावा केला जात आहे. त्याबदल्यात शिंदे गटाला धुळ्याची जागा देण्याची चाचपणी सुरू आहे. ‘नाशिक द्या, अन् धुळे घ्या’ या फॉर्म्युल्यावर भाजप आणि शिंदे गटात चर्चा सुरू असून, त्यामुळे दोन्ही ठिकाणच्या विद्यमान खासदारांचे टेन्शन वाढले आहे.
लोकसभा निवडणूक एप्रिल-मे २०२४ मध्ये होण्याची शक्यता आहे. फेब्रुवारी वा मार्चच्या पहिल्या आठवड्यात या निवडणुकीची आदर्श आचारसंहिता लागू होईल. सर्वच राजकीय पक्षांनी निवडणुकीची तयारी सुरू केली आहे. जानेवारीत राजकीय पक्षांकडून या निवडणूक प्रचाराचे रणशिंग फुंकले जाणार आहे. नाशिकच्या रामभूमीत पंतप्रधान नरेंद्र मोदींसह अनेक बड्या नेत्यांचे जानेवारीत आयोजित करण्यात आलेले कार्यक्रम या निवडणूक प्रचाराचाच एक भाग असणार आहेत. ठाकरे गटाचेही नाशिकमध्ये २३ जानेवारी रोजी महाअधिवेशन होणार आहे. शिवसंकल्प यात्रेनिमित्त मुख्यमंत्री एकनाथ शिंदे यांची नाशिकमध्ये सभा होणार असल्याने शिंदे गटही सक्रिय झाल्याचे दिसते. त्यामुळे नाशिक हे लोकसभा निवडणुकीपूर्वी राजकीय उलथापालथीचे केंद्र बनणार आहे. नाशिकला धार्मिक तसेच भौगोलिक दृष्ट्या विशेष महत्त्व असल्याने सगळ्याच राजकीय पक्षांनी लक्ष केंद्रीत केले आहे. सध्या महायुतीत भाजप, शिवसेना शिंदे गट आणि राष्ट्रवादीचा अजित पवारांचा गट असला तरी नाशिकचे विद्यमान खासदार हेमंत गोडसे हे शिंदे गटात आहेत. त्यामुळे या जागेवर शिंदे गटाचा पहिला दावा राहिल. परंतु, भाजप येत्या लोकसभा निवडणुकीत ‘रिस्क’ घेण्याच्या तयारीत नाही. नाशिकचे धार्मिक महत्त्व पाहता ही जागा भाजपला हवी असून, त्यांनी संभाव्य उमेदवारासाठी सर्वेक्षण सुरू केले आहे. त्यामुळे शिंदे गटात सध्या अस्वस्थता पसरली आहे. तर, अशीच स्थिती सध्या धुळे लोकसभा मतदारसंघातही आहे. त्यामुळे या दोन्ही जागांची अदलाबदली होण्याची शक्यता आहे.
लोकसभा निवडणूक एप्रिल-मे २०२४ मध्ये होण्याची शक्यता आहे. फेब्रुवारी वा मार्चच्या पहिल्या आठवड्यात या निवडणुकीची आदर्श आचारसंहिता लागू होईल. सर्वच राजकीय पक्षांनी निवडणुकीची तयारी सुरू केली आहे. जानेवारीत राजकीय पक्षांकडून या निवडणूक प्रचाराचे रणशिंग फुंकले जाणार आहे. नाशिकच्या रामभूमीत पंतप्रधान नरेंद्र मोदींसह अनेक बड्या नेत्यांचे जानेवारीत आयोजित करण्यात आलेले कार्यक्रम या निवडणूक प्रचाराचाच एक भाग असणार आहेत. ठाकरे गटाचेही नाशिकमध्ये २३ जानेवारी रोजी महाअधिवेशन होणार आहे. शिवसंकल्प यात्रेनिमित्त मुख्यमंत्री एकनाथ शिंदे यांची नाशिकमध्ये सभा होणार असल्याने शिंदे गटही सक्रिय झाल्याचे दिसते. त्यामुळे नाशिक हे लोकसभा निवडणुकीपूर्वी राजकीय उलथापालथीचे केंद्र बनणार आहे. नाशिकला धार्मिक तसेच भौगोलिक दृष्ट्या विशेष महत्त्व असल्याने सगळ्याच राजकीय पक्षांनी लक्ष केंद्रीत केले आहे. सध्या महायुतीत भाजप, शिवसेना शिंदे गट आणि राष्ट्रवादीचा अजित पवारांचा गट असला तरी नाशिकचे विद्यमान खासदार हेमंत गोडसे हे शिंदे गटात आहेत. त्यामुळे या जागेवर शिंदे गटाचा पहिला दावा राहिल. परंतु, भाजप येत्या लोकसभा निवडणुकीत ‘रिस्क’ घेण्याच्या तयारीत नाही. नाशिकचे धार्मिक महत्त्व पाहता ही जागा भाजपला हवी असून, त्यांनी संभाव्य उमेदवारासाठी सर्वेक्षण सुरू केले आहे. त्यामुळे शिंदे गटात सध्या अस्वस्थता पसरली आहे. तर, अशीच स्थिती सध्या धुळे लोकसभा मतदारसंघातही आहे. त्यामुळे या दोन्ही जागांची अदलाबदली होण्याची शक्यता आहे.
भुसेंसाठी भाजपकडून त्यागाची तयारी
जिल्ह्यातील दिंडोरी भाजपकडे तर, नाशिक शिवसेना शिंदे गटाकडे आहे. धुळे लोकसभा मतदारसंघात विद्यमान खासदार डॉ. भामरे भाजपचे असले तरी, नाशिकसाठी भाजप धुळ्याची जागा सोडण्यास तयार असल्याची चर्चा आहे. पालकमंत्री दादा भुसे यांचे पुत्र अविष्कार भुसे धुळे लोकसभा मतदारसंघातून तयारी करीत आहेत. त्यांचे शक्तीप्रदर्शनही सुरू आहे. परंतु, येथे पुत्राऐवजी स्वत: दादा भुसेंना उमेदवारी दिल्यास ही जागा शिंदे गटाला सोडू, अशी अट भाजपने टाकल्याची चर्चा आहे. नाशिक भाजपला द्या आणि धुळ्याची जागा शिंदे गटाला सोडू, अशी भूमिका भाजपने घेतल्याचे समजते.
ज्याची ताकद, त्याला जागा; लोकसभेच्या जागावाटपासंदर्भात महायुतीचा ‘नवा फॉर्म्युला’, असे होईल वाटप?
अयोध्येप्रमाणे नाशिकवर लक्ष
नाशिक-त्र्यंबकेश्वरमध्ये सन २०२७ मध्ये सिंहस्थ होणार आहे. प्रभू श्रीरामाच्या पदस्पर्शाने पावन झालेल्या नाशिकमध्ये भाजपचे तीन आमदार असले तरी, खासदार मात्र मित्रपक्षाचा आहे. उत्तर प्रदेशातील अयोध्येच्या धर्तीवर भाजपला राज्यातही नाशिकला धार्मिक प्रयोगशाळा बनवायची आहे. त्यासाठी नाशिकचे धार्मिक व भौगोलिक महत्व पाहता आणि आगामी कुंभमेळ्याच्या पार्श्वभूमीवर नाशिकचा खासदार भाजपचाच असावा, अशी वरिष्ठांची इच्छा आहे. त्यासाठी भाजपने नाशिक लोकसभेची बांधणीही सुरू केली आहे. प्रभागस्तरावर भाजपकडून जोरदार काम सुरू असून, नेत्यांचे वाढलेले दौरे हा जागा लढवण्याच्या तयारीचाच भाग असल्याची चर्चा आहे.