परभणी: कामधंद्यास का गेले नाही, असे पत्नीने पतीला विचारल्यावर रागाच्या ‘भरात पतीने पत्नीला शिवीगाळ करून जीवे मारण्याच्या उद्देशाने विषारी द्रव पाजले. ही घटना परभणी शहरातील नेहरु नगर भागात २७ डिसेंबर रोजी सायंकाळी ५ वाजेच्या सुमारास घडली आहे. जीवे मारण्याचा प्रयत्न केल्याप्रकरणी पती विरोधात २८ डिसेंबर रोजी नानलपेठ पोलीस ठाण्यात गुन्हा दाखल करण्यात आला आहे.
दुरंतो एक्सप्रेसमध्ये भलताच उद्योग, पोलिसांना कुणकुण, गोदामात छापा टाकला अन्…, रेल्वे पोलिसांची मोठी कारवाई
मिळालेल्या माहितीनुसार, शितल पवार असे या फिर्यादी पत्नीचे नाव आहे. तिचा पती नारायण पवार याला दारुचे व्यसन आहे. तो कधीमधी मजुरी कामाला जात होता. २७ डिसेंबरच्या सायंकाळी शितल पवार यांनी पती नारायण पवारला तुम्ही कामधंद्यास का गेले नाही, अशी विचारणा केल्यावर पतीने पत्नीसोबत भांडण करुन शिवीगाळ केली. पत्नीच्या केसाला धरुन खाली पाडले. त्यानंतर आपल्या जवळील विषारी द्रवाची पुडी काढून बळजबरीने पत्नीला पाजली.

२४ दिवसांपासून ओबीसी बांधवांचं साखळी उपोषण, भुजबळांची उपोषण मागे घेण्याची विनंती

यावेळी सासू, ननंद, शेजारी यांनी भांडण सोडवले. शितल पवार यांना चक्कर येत असल्याने उपचारासाठी जिल्हा सामान्य रुग्णालयात दाखल करण्यात आले. वेळीच रुग्णालयात आणल्याने शितल पवार यांची प्रकृती स्थिर आहे. उपचारादरम्यान दिलेल्या तक्रारीवरुन नारायण पवार याच्यावर नानलपेठ पोलिसात गुन्हा दाखल करण्यात आला आहे. या प्रकरणी पुढील तपास पोउपनि. पवार करत आहेत.