हा अपघात घडल्यानंतर लगेच नागरिकांनी पोलिसांना घटनेची माहिती दिली. घटनास्थळी गांधी चौक पोलीस तात्काळ दाखल झाले. बेशुद्ध पडलेल्या मोसमीला आणि किरकोळ जखमी झालेल्या अहेसानला तात्काळ स्व. विलासराव देशमुख शासकिय वैद्यकीय महाविद्यालयात पाठविण्यात आले. डॉक्टरांनी मोसमीला तपासून मयत घोषित केले. मयत मोसमीचा पती सोन्याच्या दुकानात कारागीर म्हणून काम करतो. तर मयत मोसमी खानावळ चालवत होती. तिला एक लहान मुलगा आहे. या घटनेने लातूर शहरात एकच खळबळ उडाली असून हळहळ व्यक्त केली जात आहे. या अपघात प्रकरणी गांधी चौक पोलीस ठाण्यात गुन्हा दाखल करण्यात आला असून पोलीस पुढील तपास करत आहेत.