उद्धव ठाकरे गटाचे नेते आणि खासदार संजय राऊत यांच्या वाहनावर सोलापुरात चप्पल फेक केल्याची घटना रविवारी सायंकाळी घडली आहे. यामुळे सोलापुरातील शिवसैनिक तीव्र शब्दात संताप व्यक्त करत आहेत. उद्धव ठाकरे गटाचे उपनेते शरद कोळी यांनी संताप व्यक्त करत राणे समर्थकांना इशारा दिला आहे. नितेश राणे समर्थकांनीच चप्पल फेकीसारखा प्रकार केल्याचा आरोप शरद कोळी यांनी केला आहे. मर्द असले असते तर थांबले असते. शिवसैनिकांनी त्याच ठिकाणी तुडवले असते, असा इशारा देखील शरद कोळी यांनी दिला आहे.