धुळे : बराच वेळ मुलाचा आवाज आला नाही म्हणून आईने सगळीकडे शोधाशोध केली. त्याला खूप आवाज दिले व पण त्याने कुठूनही प्रत्युत्तर दिलं नाही. तिने शोधत-शोधत घराच्या बाथरूमचा दरवाजा उघडला आणि ती सुन्न झाली. घरातल्या बाथरूममध्ये प्लास्टिकच्या टाकीमध्ये तिला दोन पायवर दिसले. खाली डोकं अशा अवस्थेत तो तिचाच मुलगा होता.
तिथे त्याला बाहेर काढले आणि उठवण्याचा प्रयत्न केला. पण त्याने काहीही प्रतिसाद दिला नाही. दुर्दैवाने त्याचा मृत्यू झाला होता. या घटनेचा तपास सुरू झाल्यानंतर असं काही सत्य समोर आलं की जाणून तुमच्या पायाखालची जमीन सरकेल.
तिथे त्याला बाहेर काढले आणि उठवण्याचा प्रयत्न केला. पण त्याने काहीही प्रतिसाद दिला नाही. दुर्दैवाने त्याचा मृत्यू झाला होता. या घटनेचा तपास सुरू झाल्यानंतर असं काही सत्य समोर आलं की जाणून तुमच्या पायाखालची जमीन सरकेल.
खरंतर, लहान मुलं मस्ती करतात, दंगा करतात आणि अनेकदा याच्यामुळे आपल्याला कामात व्यत्यय येतो. पण त्यामुळे आपण एखाद्याला कायमचं संपवत नाही. पण धुळ्यात मात्र एका मामानेच आपल्या भाच्यासोबत असा प्रकार केला आहे. भाचा वारंवार रडत असल्यामुळे माझं डोकं दुखतं असं म्हणत मामानेच लहानग्या भाच्याला पाणीच्या टाकीत बुडवून मारलं. हा धक्कादायक प्रकार धुळे शहरातील फिरदोस नगरात भरदिवसा घडला असून याप्रकरणी त्या क्रूर कंस मामा विरुध्द चाळीसगाव रोड पोलिसात गुन्हा दाखल करण्यात आला आहे.
मिळालेल्या माहितीनुसार, धुळे शहरातील फिरदोस नगर, रातराणी चौक, मसुद मशिद जवळ येथे राहणाार्या मरियम बी. एजाज हुसेन (वय २८) या महिलेने चाळीसगाव रोड पोलिसात दिलेल्या फिर्यादीनुसार मरियम हुसेन ही दोन मुले आणि पती यांच्यासह फिरदोस नगरात राहत असून तिचा पती लॅबटेक्नेशियन आहे. मोहम्मद हम्माद (वय ५) आणि मोहम्मद हाजीक (वय ४) अशी दोन मुले तिला आहेत. तिचे आई वडील आणि भाऊ नुरुल अमिन नईम अहमद (वय २२) हे तिच्या घरापासून जवळच राहतात.
काल दुपारी ३ वाजता तिला व तिच्या मुलांना पतीने तिच्या आई वडीलांकडे सोडले व तो कामासाठी बाहेर गेला. मरियम ही आईसोबत घरात बोलत असताना मोहम्मद हाजीक आणि त्याचा मामा नुरुल हे दोघे खेळत होते. थोड्यावेळानंतर मुलाचा आवाज येत नसल्याने मरियमने त्याचा शोध सुरु केला. तिला तिचा मुलगा मोहम्मद हाजीक हा घरातील बाथरुमच्या प्लास्टीच्या टाकीत वर पाय, खाली डोके अशा अवस्थेत दिसला. त्याला बाहेर काढून उठविण्याचा प्रयत्न केला. मात्र प्रतिसाद मिळाला नाही. मोहम्मदच्या हादीकच्या अशा अवस्थेबाबत मरियमने तिचा भाऊ नुरुल याला विचारणा केली असता त्याने हादीक रडत होता. त्याच्या रडण्याने माझे डोके दुखत असल्याने मी त्याला ड्रममध्ये टाकुन दिले असे सांगितले.
धक्कादायक! दफनभूमीत पुरलेले नवजात बाळाचे प्रेत कुत्र्यांनी उकरून काढले, नागरिकांनी पाहिलं अन्…
मरियमचा जेठ रफिक अहमद याने मोहम्मद हाजीकला खाजगी वाहनाने शासकीय जिल्हा रुग्णालयात उपचारासाठी दाखल केले. परंतु त्याचा अधिच मृत्यू झालेला होता. भाच्याला पाण्यात बुडून ठार मारल्या प्रकरणी मरियमने नुरुल विरोधात मोहम्मद हाजीक च्या आईने चाळीसगाव रोड पोलिसात गुन्हा दाखल केला आहे.