अल्पवयीन मुलांची किरकोळ भांडणे होती. खरंतर या वादात राजकीय वाद नव्हताच. मात्र त्यावरून ठाकरे-शिंदे गट आमने-सामने उभे झाले. या मुलांची भेट घेण्यासाठी शिंदे आणि ठाकरे गटातील पदाधिकारी गेले. मात्र तिथं त्यांच्यात बाचाबाची झाली. यानंतर दोघेही तक्रार देण्यासाठी पोलीस स्टेशन गाठले. या दरम्यान एका गटातील कार्यकर्ता दुसऱ्या गटातील कार्यकर्त्याला मारहाण करण्यासाठी धावला. पोलिसांनी दोघांना दूर करण्याचा प्रयत्न केला. या दरम्यान दोडके नामक हवालदाराला धक्काबुक्की झाली. या प्रकरणी आठ लोकांवर गुन्हा दाखल करण्यात आला आहे.