सातारा : उसने दिलेले ५ हजार रुपये परत न दिल्याच्या रागातून तरुणाने चाकूने भोसकून एकाचा खून केला. ही घटना पाटण तालुक्यातील जाळगेवाडी हद्दीत गुरुवारी रात्रीच्या सुमारास घडली. या घटनेमुळे मल्हारपेठ व चाफळ परिसरात एकच खळबळ उडाली आहे.
पंडित बाबूराव चव्हाण (वय ५२, रा. कडववाडी, ता. पाटण) असे खून झालेल्या व्यक्तीचे नाव आहे. तर अनिकेत मारुती जगदाळे (वय २५, रा. जागळेवाडी, ता. पाटण) असे खून करणाऱ्या संशयित आरोपीचे नाव आहे. याबाबत पोलिसांनी सांगितले की, कडववाडी येथील राहणाऱ्या पंडित चव्हाण यांनी जागळेवाडी येथील तरुण अनिकेत याच्याकडून ५ हजार रुपये काही कारणासाठी उसने घेतले होते.
पंडित बाबूराव चव्हाण (वय ५२, रा. कडववाडी, ता. पाटण) असे खून झालेल्या व्यक्तीचे नाव आहे. तर अनिकेत मारुती जगदाळे (वय २५, रा. जागळेवाडी, ता. पाटण) असे खून करणाऱ्या संशयित आरोपीचे नाव आहे. याबाबत पोलिसांनी सांगितले की, कडववाडी येथील राहणाऱ्या पंडित चव्हाण यांनी जागळेवाडी येथील तरुण अनिकेत याच्याकडून ५ हजार रुपये काही कारणासाठी उसने घेतले होते.
दरम्यान, आपल्याकडून घेतलेले उसने पैसे परत मागण्यासाठी अनिकेत हा गुरुवारी रात्री पंडित चव्हाण यांच्याकडे गेला. यावेळी पंडित व अनिकेत यांच्यात काही बोलणे झाले. बोलत असताना अनिकेतने पंडित यांना पैसे मागितले. त्यावेळी पंडित यांनी पैसे देण्यास नकार दिल्याने अनिकेतने सुरा आणि काठीने त्यांना मारहाण केली. या मारहाणीत पंडित यांचा मृत्यू झाला.
या घडलेल्या घटनेनंतर अनिकेत जगदाळे हा त्या ठिकाणाहून निघून मल्हारपेठ पोलीस ठाण्यात जाऊन हजर झाला. त्याने घडलेल्या सर्व प्रकाराची माहिती पोलिसांना दिली. यावेळी मिळालेल्या माहितीनंतर मल्हारपेठ पोलिसांना खुनाचा गुन्हा दाखल केला असून, या प्रकरणाचा तपास मल्हारपेठ पोलीस करत आहेत.