मुंबई : आमदार अपात्रता प्रकरणात गेल्या काही दिवसांपासून विधानसभा अध्यक्ष राहुल नार्वेकर यांच्यासमोर शिवसेना उद्धव बाळासाहेब ठाकरे पक्षाच्या आमदारांची उलटतपासणी सुरू आहे. ही सुनावणी आता अंतिम टप्प्यात आली आहे. आज, गुरुवारी ही सुनावणी संपणार असून उद्या, १ डिसेंबरपासून शिवसेनेच्या (शिंदे गट) आमदारांची सुनावणी सुरू होणार आहे.
१, २, ७ आणि ८ डिसेंबर या दिवशी शिंदे गटाची उलटतपासणी होणार आहे. या प्रकरणी ११ ते २० डिसेंबरदरम्यान अंतिम सुनावणी होणार आहे. नार्वेकर यांच्यासमोर बुधवारी आमदार अपात्रतेच्या प्रकरणावर नियमित सुनावणी पार पडली.
१, २, ७ आणि ८ डिसेंबर या दिवशी शिंदे गटाची उलटतपासणी होणार आहे. या प्रकरणी ११ ते २० डिसेंबरदरम्यान अंतिम सुनावणी होणार आहे. नार्वेकर यांच्यासमोर बुधवारी आमदार अपात्रतेच्या प्रकरणावर नियमित सुनावणी पार पडली.
सुनावणीच्या पहिल्या सत्रात मुख्यमंत्री एकनाथ शिंदे यांना ठाकरे गटाचे प्रतोद सुनील प्रभू यांनी पाठवलेल्या पत्राच्या मुद्द्यावरून प्रश्नोत्तरे झाली. आज झालेल्या सुनावणीतदेखील ठाकरे गटाचे सुनील प्रभू यांची फेरचाचणी घेण्यात आली.
मुख्यमंत्र्यांना जाहीर सभेतून शिवीगाळ करणं महागात, मुंबईच्या माजी महापौरांवर गुन्हा
शिंदे गटाचे वकील महेश जेठमलानी यांनी सुनील प्रभू यांची फेरसाक्ष नोंदवली. यावेळी काही प्रश्नांचे उत्तरे देताना सुनील प्रभू अडखळले. काही प्रश्नांवर उत्तर देताना त्यांनी आपल्याला नीट लक्षात नाही, असे उत्तर दिले.
Read Latest Mumbai Updates And Marathi News