म. टा. प्रतिनिधी, पुणे : पुणे आणि पिंपरी चिंचवड शहरातील वाहतूक कोंडी सोडविण्यासाठी रस्ते विकास महामंडळाकडून करण्यात येणाऱ्या रिंग रोडसाठी हवेली आणि मावळ तालुक्यात सर्वाधिक भूसंपादन झाले आहे. या रिंगरोडसाठी सुमारे १६०० एकरचे निवाडे जाहीर झाले आहेत. त्यासाठी आतापर्यंत सुमारे १७२० कोटी रुपयांचे वाटप करण्यात आले आहे. त्यामुळे पूर्व भागातील रिंगरोडसाठी गती येण्याची चिन्हे आहेत.
पुणे आणि पिंपरी चिंचवड शहराभोवतीचा रिंगरोड हा मावळ, खेड, हवेली, भोर आणि पुरंदर या पाच तालुक्यांमधून जाणार आहे. या रिंगरोडसाठी पश्चिम भागातून ३४ आणि पूर्व भागातील ४६ गावांमधील सुमारे १७४० हेक्टर संपादित करावी लागणार आहे. पूर्व भागातून ८८५ हेक्टर आणि पश्चिम भागातील ७१६ हेक्टर जमीन संपादित करण्यात येणार आहे. पश्चिम भागातील रिंगरोडची रचना बदलल्याने तीन गावांची भूसंपादन प्रक्रिया प्रलंबित आहेत. त्यात मुळशी तालुक्यातील कासार आंबोली, हवेली तालुक्यातील प्रयागधाम आणि भोर तालुक्यातील खोपी या गावांचा समावेश आहे.
पुणे आणि पिंपरी चिंचवड शहराभोवतीचा रिंगरोड हा मावळ, खेड, हवेली, भोर आणि पुरंदर या पाच तालुक्यांमधून जाणार आहे. या रिंगरोडसाठी पश्चिम भागातून ३४ आणि पूर्व भागातील ४६ गावांमधील सुमारे १७४० हेक्टर संपादित करावी लागणार आहे. पूर्व भागातून ८८५ हेक्टर आणि पश्चिम भागातील ७१६ हेक्टर जमीन संपादित करण्यात येणार आहे. पश्चिम भागातील रिंगरोडची रचना बदलल्याने तीन गावांची भूसंपादन प्रक्रिया प्रलंबित आहेत. त्यात मुळशी तालुक्यातील कासार आंबोली, हवेली तालुक्यातील प्रयागधाम आणि भोर तालुक्यातील खोपी या गावांचा समावेश आहे.
‘पश्चिम’ मधील ६३० हेक्टर निवाडे जाहीर
रिंगरोडसाठी पश्चिम भागातील सुमारे ६३० हेक्टरचे निवाडे जाहीर करण्यात आले आहेत. त्यापैकी संमतीने २६० हेक्टर तसेच सक्तीने ३७० हेक्टर क्षेत्राचे निवाडे जाहीर करण्यात आले आहेत. संमतीने २६० हेक्टर क्षेत्र ताब्यात आले आहे. त्यामुळे ६३० हेक्टर क्षेत्राचे म्हणजेच सुमारे १६०० एकर क्षेत्राचे भूसंपादन झाल्याचे मानले जात आहे. त्यामुळे रिंग रोडच्या पुढच्या प्रक्रियेला गती येण्याची चिन्हे आहेत. ६३० हेक्टरसाठी जिल्हा प्रशासनाने आतापर्यंत १७२० कोटी रुपयांचा निधी वाटप केला आहे.
पूर्व रिंगरोड भूसंपादनाला गती
पूर्व रिंगरोडसाठी ४८ गावांमधील जागा संपादित करण्यात येणार आहे. मावळमधील ११, खेडगावमधील १२, हवेलीतील १५ आणि पुरंदर तालुक्यातील ७ आणि भोरमधील तीन अशा गावांमधून जात आहे. त्यापैकी खेडमधील १२ आणि हवेली तालुक्यातील चार अशा १६ गावांचे निवाडे जाहीर करण्यात आले आहेत. त्या गावांच्या अंतिम निवाड्याद्वारे ३९७.१६ हेक्टर जागेचे निवाडे जाहीर केल्याने त्या जागेचे संपादन केले जाणार आहे. पश्चिम भागातील सोळाशे एकर जमिनीचे निवाडे जाहीर झाल्याने पूर्व भागातील भूसंपादनालाही आता गती येण्याची अपेक्षा व्यक्त करण्यात येत आहे.
पुणेकरांसाठी गुड न्यूज! ‘रिंग रोड’साठी प्रशासनाचे मोठं प्लॅनिंग, वाचा सविस्तर…
भूसंपादनात हवेली, मावळ आघाडीवर
रिंगरोडसाठी पश्चिम भागातील हवेली आणि मावळ तालुक्याने भूसंपादनात आघाडी घेतली आहे. हवेली तालुक्यात पश्चिमसाठी २१४ हेक्टर क्षेत्राचे संपादन करावे लागणार आहे. त्यापैकी १०८ हेक्टरचे संपादन झाले आहे. तर मावळ तालुक्यात १२० हेक्टरपैकी ६७ हेक्टरचे संपादन झाले आहे. त्यामुळे संपादनाच्या तुलनेत मावळ तालुक्यात ५५ टक्के तर हवेली तालुक्यात ५० टक्के संपादन झाल्याचे सांगण्यात आले आहे. त्यामुळे भूसंपादनासाठी मावळ, हवेली तालुक्याने आघाडी घेतल्याचे दिसून आले आहे.
पुणे शहराभोवतीचा रिंगरोडसाठी जिल्हा प्रशासनाने ६३० हेक्टर म्हणजेच सुमारे १६०० एकर जमीन संपादनाचे निवाडे जाहीर केले आहेत. त्यात २७० हेक्टर हे संमतीने संपादित करण्यात आले आहेत. तर ३७० हेक्टर विनासंमतीने संपादित करण्यात येणार असून त्याचे निवाडे जाहीर करण्यात आले आहे- डॉ. राजेश देशमुख, जिल्हाधिकारी