लोअर परळ उड्डाणपुलाचे उद्घाटन गुरूवारी शिवसेनेने (उद्धव बाळासाहेब ठाकरे) केल्यानंतर पालिकेला जाग आली आहे. पुलाची राहिलेली लहानसहान कामे करण्याचा वेग वाढवण्यात आला आहे. काही ठिकाणी रंगकाम, फायनल टचेस करण्याची कामे सुरू आहेत. येत्या तीन ते चार दिवसात पूल वाहतुकीसाठी खुला करण्यात येणार आहे.

माजी मंत्री आणि युवासेनाप्रमुख आदित्य ठाकरे, आमदार सचिन अहिर, आमदार सुनील शिंदे, मुंबई महापालिकेच्या माजी महापौर किशोरी पेडणेकर, स्नेहल आंबेकर यांनी गुरुवारी रात्री लोअर परळच्या डिलाईल रोडला जोडणाऱ्या दुसऱ्या मार्गिकेचं उद्घाटन केलं होतं. “डिलाईल रोड ब्रिजचे उद्घाटन! आता खोके सरकारचे व्हीआयपी नको, जनता त्रस्त आहे.” असं ट्विट करुन आदित्य ठाकरेंनी उद्घाटन झाल्याचं म्हटलं होतं.
अन्यथा छगन भुजबळांची मंत्रिपदावरुन हकालपट्टी करा, संभाजीराजे छत्रपतींची मागणी तर मनोज जरांगेंचंही टीकास्त्र

आयआयटी मुंबईनं २०१८ मध्ये डिलाईल रोडला जोडणारा पूल बंद वाहतुकीसाठी असुरक्षित असल्यानं तो करण्यात यावा असा अहवाल दिला होता. त्यानंतर या पुलावरील वाहतूक बंद करुन पुलाचं काम सुरु करण्यात आलं होतं. लोअर परळ पुलाचं काम बऱ्याच कालावधीपासून रखडलं होतं. १७ सप्टेंबरला लोअर परळ पुलाची एक मार्गिका खुली करण्यात आली होती.
पीक विमा अग्रीम, रब्बी हंगामातील पेरणीची टक्केवारी, मंत्रिमंडळ बैठकीतून कृषी क्षेत्राबाबत महत्त्वाची माहिती
शिवसेना उद्धव बाळासाहेब ठाकरे पक्षाकडून लोअर परळ पुलाच्या दुसऱ्या मार्गिगेचं उद्घाटन करण्यात आल्यानंतर महापालिका उर्वरित काम पूर्ण करुन येत्या तीन ते चार दिवसात दुसरी मार्गिका सुरु करणार असल्याची माहिती आहे.

एकनाथ शिंदे यांच्या सरकारनं टायमिंग साधलं, बाळासाहेब ठाकरेंच्या नावानं सुरु असलेल्या योजनेला मुदतवाढ, निधीही वाढवला

Read Latest Maharashtra News And Marathi News