स्थानिक भागातून सातशे ते आठशे गोणी सातारी आले, भेंडी (पाच ते सहा टेम्पो), गवार (दोन ते तीन टेम्पो), टोमॅटो (सहा ते सात हजार क्रेट्स), मिरची (तीन ते चार टेम्पो), काकडी (पाच ते सहा टेम्पो), फ्लॉवर (आठ ते दहा टेम्पो), कोबी (पाच ते सहा टेम्पो), शिमला मिरची (दहा ते बारा टेम्पो), गाजर (चार ते पाच टेम्पो टेम्पो), भुईमूगाची शेंग (सुमारे १०० गोणी), पावटा (दोन ते तीन टेम्पो), तांबडा भोपळा (दहा ते १५ टेम्पो), मटार (वीस ते पंचवीस गोणी) आवक झाली. याशिवाय कांदा (१५० ट्रक), इंदूर, आग्रा आणि स्थानिक भागातून बटाट्याची ५५ ते ६० ट्रक आवक झाली, अशी माहिती मार्केट यार्डातील ज्येष्ठ आडते विलास भुजबळ यांनी दिली.

मेथी, पालकचा दर तेजीत

मार्केट यार्डातील घाऊक बाजारात आणि पर्यायाने किरकोळ बाजारात पालेभाज्यांचे दर तेजीत आहेत. किरकोळ बाजारात मेथी आणि पालकचा दर पेंडीला २५ ते ३५ रुपये आहे. कोथिंबीर, पुदिना, अंबाडी, मुळा, राजगिरा, चवळईच्या दरात किंचित घट झाली आहे.

अननस, कलिंगड, संत्री स्थिर

मार्केट यार्डातील फळ बाजारात रविवारी सीताफळ, पपईच्या दरात वाढ तर, लिंबू आणि डाळिंबाच्या दरात घट झाली. अननस, कलिंगड, खरबूज, चिकू, संत्री आणि मोसंबीचे दर स्थिर होते. रविवारी केरळ येथून अननस (पाच ट्रक), मोसंबी (७० ते ८० टन), संत्री (४० ते ५० टन), डाळिंब (२५ ते ३० टन), पपई (तीन ते चार टेम्पो), लिंबू (सुमारे १२०० ते १४०० गोणी), कलिंगड (१० ते १३ टेम्पो),

खरबूज (१५ ते २५ टेम्पो), सीताफळ (पाच ते सहा टेम्पो) आणि चिकूच्या दोन हजार बॉक्सची आवक झाली.

फुलांच्या दरात घट
नवरात्रौत्सव आणि कोजागरी पौर्णिमेनंतर मार्केट यार्डातील फूल बाजारात फुलांच्या दरात ३० ते ४० टक्क्यांनी घट झाली आहे. घाऊक बाजारात एक किलो झेंडूसाठी १० ते २० रुपये दर होता.
तुम्ही कोणतं खाद्यतेल वापरता? ‘या’ तीन तेलांच्या किंमतीत ५ रुपयांनी वाढ, जाणून घ्या नवीन किमती
फूल भाव
गुलछडी ३० ते ६० रुपये
अ‍ॅस्टर जुडी ५ ते १५ रुपये
कापरी १० ते २० रुपये
शेवंती २० ते ४०
गुलाबगड्डी पाच ते २० रुपये
गुलछडी काडी १० ते ३० रुपये
डच गुलाब २० नगासाठी ५० ते १२० रुपये
जर्बेरा ३० ते ५० रुपये)
कार्नेशियन ५० ते १०० रुपये
शेवंती काडी १०० ते २०० रुपये
लिलियम ८०० ते १००० रुपये,
(१० काड्या)
जिप्सोफिला ३०० ते ५०० रुपये
जुई ४०० ते ५०० रुपये