साईबाबांचे दर्शन घेऊन मोदी निळवंडे धरणाच्या डाव्या (८५ किमी) कालव्याचे जाळे देशाला समर्पित करतील. यामुळे पाण्याचे वाहिन्यांचे वितरण जाळे सुकर होईल व सात तालुक्यांतील (नगर जिल्ह्यातील सहा आणि नाशिक जिल्ह्यातील एक) १८२ गावांना याचा लाभ होईल. या धरणासाठी सुमारे पाच हजार १७७ कोटी रुपये खर्चून ते विकसित केले जात आहे.
ऐकावे ते नवल! आधार कार्ड सेवेत पुणे अव्वल, विविध विमा योजनांमध्येही राज्यात दुसरा क्रमांक
दर्शनरांग संकुलाचे उद्घाटन

शिर्डी संस्थान येथे अत्याधुनिक तंत्रज्ञानाने युक्त अशा नवीन दर्शनरांग संकुलाचे उद्घाटन मोदी यांच्या हस्ते होणार आहे. या नवीन इमारतीत विविध सुविधांची सोय करण्यात आली आहे. यामध्ये दहा हजारांहून अधिक भाविकांच्या एकत्रित आसनक्षमतेसह अनेक वेटिंग हॉल, क्लॉक रूम, स्वच्छतागृहे, बुकिंग काउंटर, प्रसाद काउंटर, माहिती केंद्रासारख्या वातानुकूलित कक्षांची सोय करण्यात आली आहे .