पुणे : राष्ट्रवादीत फूट पडल्यानंतर राज्याच्या राजकारणात मोठा भूकंप झाला. त्यानंतर शरद पवार आणि अजित पवार हे दोन गट पडले. अजित पवार यांच्यासोबत बहुसंख्य आमदार गेल्यानंतर ८३ वर्षीय शरद पवार पुन्हा मैदानात उतरले असून पक्ष बांधणीसाठी त्यांनी दौरे सुरू केले आहेत. काही दिवसांपूर्वी शरद पवार हे जुन्नर तालुक्याच्या दौऱ्यावर होते. त्या दौऱ्यात विघ्नहर सहकारी साखर कारखान्याचे सर्वेसर्वा सत्यशील शेरकर यांच्या घरचा पाहुणचार स्वीकारून पवारांनी त्यांच्याशी ‘विशेष हितगुज’ केलं. त्यानंतर सत्यशील शेरकर हे शरद पवार गटात जाणार असल्याच्या जोरदार चर्चा रंगल्या. त्यात जुन्नरचे आमदार अतुल बेनके यांना सत्यशील शेरकर पर्याय होऊ शकतात, अशी शक्यता देखील वर्तवली जात होती.
मात्र अतुल बेनके आणि सत्यशील शेरकर एकच असल्याचे सांगून त्यांनी चर्चेवर पडदा टाकला होता. मात्र आता पुन्हा एकदा शरद पवार आणि सत्यशील शेरकर यांची भेट होणार असल्याने ते राष्ट्रवादीत प्रवेश करणार असल्याच्या चर्चांनी जोर धरलाय.
पवारांना जुन्नरमध्ये मिळणार नवा शिलेदार, काँग्रेस नेत्याच्या लेकाला उमेदवारी मिळण्याची चर्चा
येत्या २ नोव्हेंबरला शरद पवार हे जुन्नर तालुक्याच्या दौऱ्यावर येणार आहेत. विघ्नहर सहकारी साखर कारखान्याचा गळीत हंगाम सुरू होत आहे. त्यानिमित्ताने शरद पवार यांच्या हस्ते गळीत हंगामाचा शुभारंभ होणार आहे. विघ्नहरच्या गळीत हंगामाचं निमित्त करून पुन्हा पवार-शेरकर यांची भेट होत असल्याने तालुक्याच्या राजकारणात मोठा उलटफेर होणार असल्याच्या चर्चा राजकीय वर्तुळात होत आहेत.
मात्र अतुल बेनके आणि सत्यशील शेरकर एकच असल्याचे सांगून त्यांनी चर्चेवर पडदा टाकला होता. मात्र आता पुन्हा एकदा शरद पवार आणि सत्यशील शेरकर यांची भेट होणार असल्याने ते राष्ट्रवादीत प्रवेश करणार असल्याच्या चर्चांनी जोर धरलाय.
पवारांना जुन्नरमध्ये मिळणार नवा शिलेदार, काँग्रेस नेत्याच्या लेकाला उमेदवारी मिळण्याची चर्चायेत्या २ नोव्हेंबरला शरद पवार हे जुन्नर तालुक्याच्या दौऱ्यावर येणार आहेत. विघ्नहर सहकारी साखर कारखान्याचा गळीत हंगाम सुरू होत आहे. त्यानिमित्ताने शरद पवार यांच्या हस्ते गळीत हंगामाचा शुभारंभ होणार आहे. विघ्नहरच्या गळीत हंगामाचं निमित्त करून पुन्हा पवार-शेरकर यांची भेट होत असल्याने तालुक्याच्या राजकारणात मोठा उलटफेर होणार असल्याच्या चर्चा राजकीय वर्तुळात होत आहेत.
शरद पवार यांना शेतकऱ्यांची जाण असणारे नेते म्हणून ओळखले जाते. शेतकऱ्यांच्या मुद्द्यावरून ते नेहमीच रोखठोक भूमिका घेत असतात. कृषिमंत्री असताना केलेली दैदीप्यमान कामगिरी लाखो शेतकऱ्यांच्या लक्षात आहे. त्याच पार्श्वभूमीवर २ नोव्हेंबरला शरद पवार विघ्नहर कारखान्यावर येणार असल्याने राजकीय वातावरण बदलू लागले आहे. शरद पवार हे जुन्नरसाठी नव्या उमेदवाराची चाचपणी तर करत नाहीत ना? अशा चर्चा राजकीय वर्तुळात सुरू आहेत.
याबाबत विघ्नहर कारखान्याचे संचालक सत्यशील शेरकर यांनी ‘मटा ऑनलाइन’सोबत बोलताना सांगितले की, “शरद पवार हे विघ्नहर कारखान्याच्या गळीत हंगामासाठी येणार आहेत. पवारसाहेब हे शेतकऱ्यांची जाण असलेले नेते आहेत. ते जुन्नरमध्ये येत असले आणि माझ्या प्रवेशाबाबत चर्चा होत असली तरी सध्या याबाबत मी विचार केलेला नाहीये”.