तरुण पत्नीकडे पाहत असल्याचा संशय, हातात सुरा घेत पोलिसाने माजवली दहशत, पोलीस दाम्पत्य निलंबित
त्यानंतर मोबाईल देण्यावरून त्यांच्यात भांडण झाले आणि या भांडणात रामनाथने आईचा गळा दाबून खून केला. यानंतर आरोपीने आईचा बीपी वाढल्याने ती बेशुद्ध असल्याची बतावणी करून शेजाऱ्यांना मदतीसाठी बोलावून खासगी रुग्णालयात नेले. मात्र महिलेचा मृत्यू झाल्याने तेथून त्यांना मेडिकल रुग्णालयात जाण्यास सांगितले. आरोपीने मृतदेह मेडिकल रुग्णालयात नेण्याऐवजी घरी आणला.

आईच्या मृत्यूची माहिती समजताच लहान भाऊ दीपक व इतर नातेवाईक घरी पोहोचले. मृत्यूनंतर कमलाबाईंच्या अंगात जडपणा वाढत होता. अशा स्थितीत हात आणि पायाला कापूर, तुप आणि तेल लावायला सांगितले. हे करत असताना त्यांना कमलाबाई यांच्या गळ्यावर जखमा दिसल्या. कमलाबाईच्या अंगावर मंगळसूत्र आणि इतर कोणतेही दागिने नव्हते. संशयावरून ही माहिती हुडकेश्वर पोलिसांना देण्यात आली. पोलिसांनी अकस्मात मृत्यूची नोंद करून मृतदेह शवविच्छेदनासाठी वैद्यकीय रुग्णालयात पाठवला. त्यानंतर पोस्टमॉर्टममध्ये महिलेचा गळा दाबून मृत्यू झाल्याचे स्पष्ट झाले.आरोपीला अटक करून त्याची कसून चौकशी केली असता त्याने खुनाची कबुली दिली.

Read Latest Maharashtra News And Marathi News