म. टा. खास प्रतिनिधी, मुंबई : दोन मुलांच्या मस्करीत तिसऱ्या मुलाच्या डोळ्यात पेन घुसल्याची घटना कुलाबा येथील शाळेत घडली. या घटनेत मुलाच्या डोळ्याला दुखापत झाली. चुकून पेन लागल्याचे समोर आल्यानंतर दुखापत झालेल्या मुलाच्या पालकांनी तक्रार न करता केवळ मुलांना आणि शाळा व्यवस्थापनाला समज देण्यास सांगितले.
कुलाब्यातील एका पब्लिक स्कूलमध्ये दोन विद्यार्थी आपसांत भांडण होते. या भांडणानंतर दोघांनी पेन काढून एकमेकांना मारण्याच्या हेतूने पेन काढून एकमेकांच्या दिशेने भिरकाविण्यास सुरूवात केली. याचवेळी पुढील बेंचवर बसलेल्या विद्यार्थ्याने मागे पाहिले. त्याने मस्ती करू नका असे सांगितले. मात्र ते दोघे ऐकण्याच्या मनस्थितीत नव्हते. याचवेळी त्याच्या हातातील पेन पुढील बेंचवर बसलेल्या विद्यार्थ्याच्या डोळ्यात घुसला. यामुळे डोळ्याला दुखापत झाल्याने सदर मुलाला रूग्णालयात नेण्यात आले. डॅाक्टरांनी डोळ्यावर शस्त्रक्रिया करण्याचा सल्ला दिला.
कुलाब्यातील एका पब्लिक स्कूलमध्ये दोन विद्यार्थी आपसांत भांडण होते. या भांडणानंतर दोघांनी पेन काढून एकमेकांना मारण्याच्या हेतूने पेन काढून एकमेकांच्या दिशेने भिरकाविण्यास सुरूवात केली. याचवेळी पुढील बेंचवर बसलेल्या विद्यार्थ्याने मागे पाहिले. त्याने मस्ती करू नका असे सांगितले. मात्र ते दोघे ऐकण्याच्या मनस्थितीत नव्हते. याचवेळी त्याच्या हातातील पेन पुढील बेंचवर बसलेल्या विद्यार्थ्याच्या डोळ्यात घुसला. यामुळे डोळ्याला दुखापत झाल्याने सदर मुलाला रूग्णालयात नेण्यात आले. डॅाक्टरांनी डोळ्यावर शस्त्रक्रिया करण्याचा सल्ला दिला.
दरम्यान, ही घटना पालकांपर्यंत पोहोचल्यानंतर त्यांनी आधी शाळेत आणि नंतर रूग्णालयात धाव घेतली. जाणीवपूर्वक कुणी इजा केली नसल्याचे लक्षात आल्यानंतर त्यांनी तक्रार न करता केवळ शाळा व्यवस्थापन आणि दोन विद्यार्थ्याना समज देण्यात यावी असे सांगितले. त्यामुळे कोणताही गुन्हा दाखल केला नसल्याची माहिती कुलाबा पोलिसांनी दिली.