लॅपटॉप दुबईतील एका हॉटेलच्या स्नानगृहात विसरल्याचेही तो पोलिसांना सांगत आहे. प्रकरणाशी संबंधित दोन महत्त्वाचे पुरावे अद्यापही पोलिसांच्या हाती लागलेले नाहीत. सोंटूच्या चौकशीदरम्यान नार्कोटिक्स कंट्रोल ब्यूरोचा (एनसीबी) एक अधिकारी नागपुरात दाखल झाला. तो वर्धा मार्गावरील हॉटेल रॅडिसन ब्लूमध्ये थांबला. याचकाळात या अधिकाऱ्याने चौकशीच्या प्रक्रियेत सहभागी असलेल्या अधिकाऱ्यांसह सुमारे १० जणांशी संपर्क साधला. ही माहिती समोर आल्याने पोलिसांमध्येही खळबळ उडाली. त्यामुळे आता हा अधिकारीही पोलिसांच्या रडारवर आला आहे. तो हरियाणातील असून, सीमा सुरक्षा दलातून निवृत्त झालेला असल्याचे कळते.