– या बसचा लोकार्पण सोहळा केंद्रीय मंत्री नितीन गडकरी यांच्या हस्ते सकाळी १० वाजता गडकरींच्या एन्रीको हाइट्स, हॉटेल रॅडिसन ब्लू येथून होईल.
– सद्यस्थितीत ज्येष्ठ नागरिक प्रतिष्ठानकडे ऑलेक्ट्रा कंपनीची एक ग्रीन बस असून ती गेल्या पाच वर्षांपासून ज्येष्ठ नागरिकांच्या सेवेत आहे.
– या ग्रीन बसद्वारे शेगाव, माहूर, कळंब, अंभोरा, आदासा, धापेवाडा आदी धार्मिक स्थळांच्या निःशुल्क सहलीचा हजारो ज्येष्ठ नागरिकांनी लाभ घेतला आहे.
– नितीन गडकरी यांच्या प्रयत्नांतून या दोन्ही बसेस ज्येष्ठ नागरिक प्रतिष्ठानला मिळाल्याची माहिती ज्येष्ठ नागरिक प्रतिष्ठानचे सचिव डॉ. राजू मिश्रा यांनी दिली.
– अशोक लेलॅन्डच्या सीएसआर उपक्रमांतर्गत ज्येष्ठ नागरिक प्रतिष्ठानला ही बस उपलब्ध करून देण्यात आली आहे.
– याप्रसंगी होणाऱ्या कार्यक्रमाच्या अध्यक्षस्थानी ज्येष्ठ नागरिक प्रतिष्ठानचे कार्याध्यक्ष ज्येष्ठ नेते दत्ता मेघे राहतील. तर स्विच मोबिलिटीचे सीईओ महेश बाबू, अशोक लेलॅन्ड लिमिटेडचे उपाध्यक्ष (कॉर्पोरेट अफेअर्स) यश सच्चर, पश्चिम व मध्य झोनचे प्रमुख ए. के. सिन्हा, भाजपचे प्रदेशाध्यक्ष आमदार चंद्रशेखर बावनकुळे, आमदार कृष्णा खोपडे, आमदार प्रवीण दटके, आमदार विकास कुंभारे, आमदार मोहन मते, माजी खासदार डॉ. विकास महात्मे, माजी खासदार अजय संचेती आदी मान्यवर उपस्थित राहतील.
अशी आहे रचना
अशोक लेलॅन्ड कंपनीची ही डबलडेकर ग्रीन बस वातानुकूलित असून यात ६५ प्रवाशांची बसण्याची व्यवस्था आहे. अॅडव्हान्स लिथियन-आयर्न बॅटरीवर चालणारी ही बस दीड ते तीन तासांच्या एका चार्जिंगमध्ये २५० कि.मी. धावू शकते. या डबलडेकर बसची उंची ४.७५ मीटर असून लांबी ९.८ मीटर आणि रुंदी २.६ मीटर आहे.
आजोबा संकटात, नातू मैदानात, राष्ट्रवादी आमचीच’ म्हणणाऱ्या दादा गटातील नेत्यांवर रोहित पवारांचा आसूड