या कारवाईत पोलिसांनी वेश्यागमनासाठी आणलेल्या अल्पवयीन मुलीची सुटका केली आहे. सोनू नामक दलाल दीड लाख रुपयांच्या बदल्यात अल्पवयीन मुलीसोबत शरीरसंबंधासाठी ग्राहकांच्या शोधात असल्याची माहिती तुर्भे एमआयडीसी पोलिसांना मिळाली होती. सदर माहितीच्या आधारे वरिष्ठ पोलीस निरीक्षक रविंद्र दौंडकर, पोलीस निरीक्षक संजय जोशी, महिला सहाय्यक पोलीस निरीक्षक प्रज्ञा मुंडे आणि त्यांच्या पथकाने बनावट ग्राहकाच्या माध्यमातून दलाल सोनू याच्यासोबत संपर्क साधला होता.

लग्नासाठी उतावळा पण आईने नवरीच शोधली नाही, रागात तरुणाने चक्क जन्मदातीचे हात अन् पाय…
यावेळी दलाल सोनू याने अल्पवयीन मुलगी पुरविण्याची तयारी दर्शवून त्याच्या संपर्कात असलेली महिला तिच्या अल्पवयीन मुलीला दीड लाख रुपयांमध्ये ग्राहकासोबत शरीरसंबंधासाठी पाठविण्यास तयार असल्याचे सांगितले. बनावट ग्राहकाने त्यास होकार दिल्यानंतर दलाल शहरोज अली उर्फ सोनू इर्शादअली सय्यद वय (३१) याने सायंकाळी ७ वाजता महापे एमआयडीसीतील सुयोग हॉटेल समोरील बस स्टॉपजवळ येण्यास सांगितले. त्यानुसार पोलिसांनी २३ ऑगस्ट रोजी सायंकाळी महापे एमआयडीसीतील सुयोग हॉटेलसमोर सापळा लावला होता.

यावेळी दलाल सोनू रिक्षामधून अल्पवयीन मुलीला तिच्या आईसोबत तिथे घेऊन आल्यानंतर बनावट ग्राहकाने आपल्याजवळ असलेली दीड लाख रुपयांची रक्कम त्याला दिली. त्यानंतर पोलिसांनी या तिघांची धरपकड केली. त्यानंतर पोलिसांनी सोनू तसेच आपल्या मुलीला वेश्याव्यवसायासाठी आणलेली ४३ वर्षीय महिला या दोघांना पिटा कायद्याअंतर्गत गुन्हा दाखल करुन दोघांना अटक तसेच अल्पवयीन मुलीची सुटका केली.

या कारवाईत अटक करण्यात आलेल्या महिलेची कौटुंबिक आर्थिक परिस्थिती खालावल्याने तिला १ लाख रुपयांची गरज असल्याचे तिने दलाल सोनू याला सांगितले होते. त्यावेळी सोनू याने व्हर्जीन असलेल्या तिच्या १७ वर्षीय मुलीने शरीरसंबंध केल्यास तिला १ लाख रुपये मिळू शकतात, असे सांगितले होते. त्यामुळे पीडित मुलीच्या आईने आपल्या मुलीला वेश्यागमनास पाठविण्याची तयारी दर्शविली होती. त्यानंतर सोनू याने दीड लाख रुपयांमध्ये अल्पवयीन व्हर्जीन मुलीसोबत शरीरसंबंध ठेवणाऱ्या ग्राहकाचा शोध सुरु केला होता. मात्र, पोलिसांना ती बाब वेळीच लक्षात आल्याने पोलिसांनी बनावट ग्राहकाच्या माध्यमातून सदर प्रकार उघडकीस आणला. असून महिलेसह दलाला देखील गजाआड करण्यात पोलिसांना यश आलं आहे.