आजीम शेख उर्फ अंत्या (वय ३५) असे खून झालेल्या तरुणाचे नाव आहे. वानवडी पोलिस ठाण्याच्या हद्दीत सय्यदनगरमध्ये गुरुवारी रात्री दोन गटांत हाणामारी झाली. टोळक्याने केलेल्या मारहाणीत तरुणाचा मृत्यू झाला; तर काही तरुण जखमी झाले. काही तरुणांच्या हाताची बोटे छाटण्यात आली. त्यानंतर टोळके पसार झाले. भररस्त्यातील हा प्रकार पाहून भयभयीत झालेले लोक सैरावैरा पळत होते. या घटनेची माहिती मिळताच वानवडी पोलिसांनी घटनास्थळी धाव घेतली. याप्रकरणी वानवडी पोलिस ठाण्यात खुनाचा गुन्हा दाखल करण्याचे काम रात्री उशिरापर्यंत सुरू होते. वानवडी पोलिस आरोपींचा शोध घेत आहेत.