म. टा. प्रतिनिधी, छत्रपती संभाजीनगर : चिकलठाणा विमानतळावरून जाणाऱ्या प्रवाशांची संख्या वाढत आहे. एप्रिल ते जून या काळात तब्बल १ लाख ३८ हजार ८३३ प्रवाशांनी प्रवास केला. विमान प्रवासी वाहतुकीत ३८ टक्के वाढ आहे. मात्र, विमानातून मालाची वाहतूक यंदा घटलेली आहे. तीन महिन्यांत फक्त १७० मेट्रिक मालाची वाहतूक करण्यात आली असल्याची माहिती समोर आली आहे.
एकेकाळी चिकलठाणा विमानतळावरून इंटरनॅशनल कार्गो सुरू करण्याबाबत उद्योजकांनी पुढाकार घेतला होता. चार ते पाच वर्षांपूर्वीपर्यंत आंतरराष्ट्रीय कार्गोसाठी प्रयत्न केले जात होते. यासाठी प्रक्रिया सुरू करण्यात आली होती. देशांतर्गत कार्गो सुविधा ही एका कंपनीला चालविण्यासाठीही देण्यात आली होती. तसेच आंतरराष्ट्रीय कार्गोसाठी चिकलठाणा विमानतळाच्या जुन्या इमारतीत जागा तयार करण्यात आली होती. आंतरराष्ट्रीय कार्गो सुरू करण्यामागे शहरात किंवा मराठवाड्यात शेती उत्पादित माल किंवा अन्य कंपन्यांचा माल हा थेट आंतरराष्ट्रीय बाजारात पोहोचावा असे नियोजन करण्यात आले होते. मात्र, ही प्रक्रिया थंड पडलेली आहे.
एकेकाळी चिकलठाणा विमानतळावरून इंटरनॅशनल कार्गो सुरू करण्याबाबत उद्योजकांनी पुढाकार घेतला होता. चार ते पाच वर्षांपूर्वीपर्यंत आंतरराष्ट्रीय कार्गोसाठी प्रयत्न केले जात होते. यासाठी प्रक्रिया सुरू करण्यात आली होती. देशांतर्गत कार्गो सुविधा ही एका कंपनीला चालविण्यासाठीही देण्यात आली होती. तसेच आंतरराष्ट्रीय कार्गोसाठी चिकलठाणा विमानतळाच्या जुन्या इमारतीत जागा तयार करण्यात आली होती. आंतरराष्ट्रीय कार्गो सुरू करण्यामागे शहरात किंवा मराठवाड्यात शेती उत्पादित माल किंवा अन्य कंपन्यांचा माल हा थेट आंतरराष्ट्रीय बाजारात पोहोचावा असे नियोजन करण्यात आले होते. मात्र, ही प्रक्रिया थंड पडलेली आहे.
सध्या विमानतळावरून प्रवासी विमाने जास्तीत सुरू करण्याचे नियोजन करण्यात आलेले आहे. प्रवासी वाहतूकीसोबत मालाची वाहतूक ही विमान कंपन्यांसाठी महत्त्वाची असते. विमान प्रवाशांबरोबरच मालवाहतूक झाल्यानंतर विमान कंपन्यांना यातून चांगले उत्पन्न मिळत असते. मात्र यंदाच्या वर्षी एप्रिल, मे आणि जून या तीन महिन्यांत अपेक्षित मालाची वाहतूक होत नाही. वर्ष २०२२-२३ च्या एप्रिल ते जून या महिन्यात ३७० मेट्रिक टन मालाची वाहतूक करणाऱ्या विमान कंपन्यांना यंदाच्या वर्षी २०२३ – २४ या वर्षाच्या पहिल्या तीन महिन्यात फक्त १७० मेट्रीक टन मालाची वाहतूक करावी लागली आहे. यामुळे विमानांमधून होणारी मालाची वाहतूक कमी झाल्याचा फटका या विमानतळावरून विमान चालविणाऱ्या कंपन्यांना सोसावा लागण्याची शक्यता आहे. चालू वर्षाच्या एप्रिल ते जून या काळात १७० मेट्रिक टन मालाची वाहतूक करण्यात आली आहे. गेल्या वर्षीच्या तीन महिन्याच्या काळात ३१६ मेट्रीक टन मालाची वाहतूक करण्यात आली होती. यंदाच्या पहिल्या तीन महिन्यात माल वाहतूकीत ४६.२ टक्के तूट असल्याची माहिती समोर आली आहे.
मालवाहतुकीची आकडेवारी
महिना २०२३ २०२२ २०२१ २०२० २०१९ २०१८
एप्रिल ७९ १०५ ८५ १ १०० १४२
मे ९५ १०० २६ ० ६४ २४२
जून ६० १११ ३९ ३ ४७ १८५
इनकमिंग सुरू, आउटगोइंग बंद
चिकलठाणा विमानतळावर सध्या हैदराबाद, मुंबई आणि दिल्ली या शहरातून येणारा कार्गो येत आहे. चिकलठाणा विमानतळावरून जाणारी विविध उत्पादने, औषध कंपनीची उत्पादने तसेच शेती उत्पादीत मालासह विविध खाद्यपदार्थांची वाहतूक अधिक असते. मात्र स्क्रीनिंग मशीन नसल्याने शहरातून विविध ठिकाणी जाणाऱ्या मालाची वाहतूक सध्या थांबलेली आहे.
पुण्याला पाठविले स्क्रीनिंग मशीन
चिकलठाणा विमानतळावरून देशांतर्गत कार्गो सुविधा गेल्या सहा महिन्यांपासून बंद आहे. या विमानतळावर सामान स्कॅन करणारी स्क्रीनिंग मशीनही सहा महिन्यांपूर्वी पुणे विमानतळावर पाठविण्यात आली आहे. ती अजूनही आलेली नाही. किंवा दुसरी मशीन देण्यात आलेली नाही. यामुळे विमानतळावरील कार्गो सुविधा बंद ठेवण्यात आली आहे.