म.टा. प्रतिनिधी, नागपूर : वयात येताच १८ वर्षांची असताना तरुणीने प्रियकरासोबत लग्न केले. सतत वाद होत असल्याने १९व्या वर्षी तिने घटस्फोट घेतला अन् खासगी काम करायला लागली. विसाव्या वर्षी एका तरुणासोबत तिचे पुन्हा प्रेमसंबंध जुळले. भावाने प्रियकरासोबत बघितल्याने बिंग फुटले अन् २२व्या वर्षी तरुणीने गळफास घेऊन आत्महत्या केली. ही घटना अजनी पोलिस स्टेशन हद्दीत उघडकीस आली.
काजल (नाव बदललेले) ही बेलतरोडी पोलिस स्टेशन हद्दीतील पॅथालॉजी सेंटरमध्ये काम करायची. पोलिसांकडून मिळालेल्या माहितीनुसार, काजलने १८व्या वर्षी प्रियकरासोबत प्रेमविवाह केला. लग्नानंतर तिचे पतीसोबत खटके उडायला लागल्याने वर्षभरानंतर तिने घटस्फोट घेतला. ती आई व भावासोबत राहायला लागली. तिचा भाऊ डिलिव्हरी बॉयचे काम करतो. दरम्यान, ती पॅथालॉजी सेंटरमध्ये काम करायला लागली. काम करायला लागल्यानंतर तिचे एका तरुणासोबत प्रेमसंबंध जुळले.
काजल (नाव बदललेले) ही बेलतरोडी पोलिस स्टेशन हद्दीतील पॅथालॉजी सेंटरमध्ये काम करायची. पोलिसांकडून मिळालेल्या माहितीनुसार, काजलने १८व्या वर्षी प्रियकरासोबत प्रेमविवाह केला. लग्नानंतर तिचे पतीसोबत खटके उडायला लागल्याने वर्षभरानंतर तिने घटस्फोट घेतला. ती आई व भावासोबत राहायला लागली. तिचा भाऊ डिलिव्हरी बॉयचे काम करतो. दरम्यान, ती पॅथालॉजी सेंटरमध्ये काम करायला लागली. काम करायला लागल्यानंतर तिचे एका तरुणासोबत प्रेमसंबंध जुळले.
Pune News: जुन्नरमध्ये जोरदार राडा; रस्त्याच्या भूमिपूजनाच्या आजी-माजी आमदारांचे समर्थक भिडले
काजलच्या राहणीमानात अचानक मोठा बदल झाला. ती महागडा आयफोन वापरायला लागली. भावाने तिला अनेकदा विचारणा केली. परंतु, तिने काहीही सांगितले नाही. शुक्रवारी दुपारी शताब्दी चौकात काजल एका तरुणासाबेत बोलत असल्याचे भावाला दिसले. त्याने तिला विचारणा केली. तरुण पसार झाला. भावाने प्रियकरासोबत बघितल्याचा परिणाम काजलवर झाला. सायंकाळी घरी एकटी असताना काजलने पंख्याला लाल रंगाची ओढणी बांधून गळफास घेतला.
दरम्यान, याप्रकरणी अजनी पोलिसांनी आकस्मिक मृत्यूची नोंद करून तपास सुरू केला आहे.