दरम्यान मराठा आरक्षणाच्या मागणीसाठी हदगाव तालुक्यातील दत्ता हडसनिकर यांनी सुरू केलेल्या उपोषणाचा मुद्दा आज मंगळवारी अधिवेशात गाजला. राज्याचे माजी मुख्यमंत्री अशोक चव्हाण यांनी उपोषणाबाबत आवाज उठवत मराठा आरक्षणाबाबत सध्याची परिस्थिती काय आहे याची सरकारने माहिती द्यावी, अशी मागणी केली. शासन काय करत आहे, याबाबत उपोषणर्ता दत्ता पाटील यांना माहिती देऊन उपोषण मागे घेण्याची विनंती सरकारतर्फे करण्यात यावी, अशी मागणी अशोक चव्हाण यांनी केली. यावर उपमुख्यमंत्री देवेंद्र फडणवीस यांनी तात्काळ सरकारतर्फे मराठा आरक्षणाबाबत माहिती देऊन उपोषण मागे घेण्याची विनंती केली जाईल, असे उत्तर दिले.