सातारा : पांगारे गावातील मुलगी राजापुरी शाळेतील इयत्ता नववीमध्ये शिकत आहे. त्याच गावातील गणेश युवराज मोरे हा युवक तरुणीची वारंवार छेड काढत होता. त्यामुळे तिचा भाऊ राहुल यास तिने कल्पना दिली. त्यानंतर बहिणीची छेड काढू नकोस, असे समजावून सांगणाऱ्या राहुलच्या पांगारे (ता. सातारा) येथील घरावर राजापुरी गावच्या ३० हून अधिक युवकांनी हल्ला केला होता. यात गंभीर जखमी झालेल्या राहुल शिवाजी पवार (वय २८) या युवकाचा पुणे येथे उपचारादरम्यान मृत्यू झाला. आरोपींवर कठोरात कठोर कारवाई करण्यासाठी नातेवाईकांनी मृतदेह पोलिस अधीक्षक कार्यालयासमोर ठेवला. त्यामुळे साताऱ्यात काही काळासाठी तणाव निर्माण झाला होता.
याप्रकरणी राहुल शिवाजी पवार या युवकाला मारहाण करणाऱ्या १२ जणांवर सातारा तालुका पोलिसांनी गुन्हा दाखल करून अटक केली होती. मात्र, या युवकाच्या मृत्यूला कारणीभूत असणाऱ्या सर्व ३० आरोपींवर गुन्हा करून या प्रकरणाची सखोल चौकशी करण्याची मागणी ग्रामस्थांनी केली. तसेच चिडलेल्या ग्रामस्थांनी जिल्हा पोलिस अधीक्षक कार्यालयासमोर तरुणाचा मृतदेह आणून ठेवला. त्यामुळे काही काळ तणावाचे वातावरण निर्माण झाले होते.
याप्रकरणी राहुल शिवाजी पवार या युवकाला मारहाण करणाऱ्या १२ जणांवर सातारा तालुका पोलिसांनी गुन्हा दाखल करून अटक केली होती. मात्र, या युवकाच्या मृत्यूला कारणीभूत असणाऱ्या सर्व ३० आरोपींवर गुन्हा करून या प्रकरणाची सखोल चौकशी करण्याची मागणी ग्रामस्थांनी केली. तसेच चिडलेल्या ग्रामस्थांनी जिल्हा पोलिस अधीक्षक कार्यालयासमोर तरुणाचा मृतदेह आणून ठेवला. त्यामुळे काही काळ तणावाचे वातावरण निर्माण झाले होते.
दरम्यान, सर्व संशयित आरोपींवर कायदेशीर कारवाई करण्यात येईल असे आश्वासन जिल्हा पोलीस अधीक्षकांनी दिले आहे. ग्रामस्थांना आश्वासन दिल्यानंतर युवकाचा मृतदेह गावकरी अंत्यसंस्कारासाठी पांगारे येथे घेवून गेले. त्यानंतर साताऱ्यातील तणाव निवळला.
दादांचे मंत्री पवारांना भेटले, रोहित पवारांचं ट्विट-काहींची नक्कीच झोप उडाली असेल!
याप्रकरणी सातारा तालुका पोलिसांनी आरोपी आकाश आत्माराम मोरे, सुयोग जयसिंग गुरव, यश दीपक निकम, गजानन आनंदराव मोरे, तुषार शंकर साळुंखे, गणेश तात्याबा मोरे, जगदीश शंकर साळुंखे, प्रथमेश भाऊसो साळुंखे, प्रतीक सतीश साळुंखे, गणेश युवराज मोरे, संकल्प संजय साळुंखे, आविष्कार संजय साळुंखे (सर्व रा. राजापुरी, ता. सातारा) या १२ जणांना अटक केली असल्याचे सांगण्यात आले.