माझ्याकडे तीन खाते होती. ग्रामविकास, वैद्यकीय शिक्षण आणि क्रीडा असे तीन खाते होते. मंत्रिमंडळ अर्ध होतं त्यामुळे आमच्याकडे खात्याचा भार जास्त होता. आता मंत्रिमंडळात नवीन १० सोबती आलेले आहेत. नवीन मंत्री आलेले असल्याने त्यांना खाते देणं अपरिहार्य आहे. माझ्याकडची दोन खाती काढून त्यांना देण्यात आलेली आहेत. यात चुकीचं काहीच नाही, असं गिरीश महाजन म्हणाले.
हसन मुश्रीफ यांना वैद्यकीय शिक्षण खातं; सतेज पाटलांना खासगीत दिली मोठी ऑफर, चर्चांना उधाण
ग्रामविकास सारखं मोठं खातं माझ्याकडे आहे. यामुळे राज्यात काम करण्यासाठी खूप मोठा वाव आहे. आणि मी ते काम प्रामाणिकपणे करतो आहे. वैद्यकीय शिक्षण या खात्यात मला रस होता. आणि त्यासाठी गेल्या पाच वर्षांत मी चांगलं काम केलं आहे. पण मंत्रिमंडळाचं खातेवाटप आहे आणि त्यात काही अडचणी आहेत. त्यामुळे ते खातं राष्ट्रवादीकडे गेलेलं आहे. मला त्याबद्दल काहीच अडचण नाहीए. ग्रामविकास खात्याकडे पूर्ण लक्ष देता येईल. यासोबतच पर्यटन खातंही देण्यात आल्याचं सांगण्यात येत आहे. मला माहिती नाही. पण पर्यटन खातंही चांगलं आहे, असं गिरीश महाजन म्हणाले.

महाजन यांची आरोग्यदूत अशी ओळख

वैद्यकीय शिक्षण हे गिरीश महाजन यांचं आवडतं खातं आहे. गेल्या काही वर्षांमध्ये मंत्री गिरीश महाजन यांनी जळगाव जिल्ह्यात डोळ्यांच्या शस्त्रक्रिया संदर्भात भव्य अशी शिबिरं घेतली आहेत. त्याचा जळगाव जिल्ह्यातील हजारो रुग्णांना लाभही झाला. तर दुसरीकडे मंत्री गिरीश महाजन यांच्या पाठपुराव्यातून त्यांच्याच मतदारसंघातील म्हणजेच जामनेर तालुक्यातील चिंचोली येथे मेडिकल हबलाही मंजुरी मिळाली आहे. त्या मेडिकल हबचे काम सद्यस्थितीत सुरू आहे. या सर्व गोष्टींमुळे जळगाव जिल्ह्यात नव्हे तर संपूर्ण राज्यात मंत्री गिरीश महाजन यांची आरोग्यदूत म्हणून ओळख आहे.

जळगाव जिल्ह्यातील कुणालाही रुग्णालयासंदर्भात किंवा कुठल्या आजारासंदर्भात उपचारासंदर्भात कुठलीही अडचण आली तर मंत्री गिरीश महाजन यांनी त्यांच्या स्वीय सहाय्यकांना तशा सूचना दिल्या आहेत. त्यानुसार मंत्री गिरीश महाजन यांचे कार्यकर्ते व पदाधिकाऱ्यांच्या माध्यमातून संबंधित रुग्णावर योग्य ते उपचार योग्य त्या ठिकाणी केले जातात. तसेच आवश्यकता असल्यास संबंधित रुग्णाला मुंबई येथील आवश्यक त्या रुग्णालयात उपचारासाठी पाठविले जाते. रुग्णांना माहिती मिळावी व त्यांना कुठल्याही उपचारासंदर्भात वेळेवर मदत मिळावी म्हणून मंत्री गिरीश महाजन यांचा जळगावत जीएम फाउंडेशन नावाचं संपर्क कार्यालयही आहे. या ठिकाणी २४ तास सेवा उपलब्ध असते.

कुणाला कुठलं खातं मिळालं?

मुख्यमंत्री एकनाथ शिंदे यांच्याकडे सामान्य प्रशासन, नगर विकास, माहिती व तंत्रज्ञान, माहिती व जनसंपर्क, परिवहन, सामाजिक न्याय, पर्यावरण व वातावरणीय बदल, खनिकर्म आणि इतर कोणत्याही मंत्र्यांना वाटप न केलेले विभाग

उपमुख्यमंत्री देवेंद्र फडणवीस यांच्याकडे गृह, विधी व न्याय, जलसंपदा व लाभक्षेत्र विकास, ऊर्जा, राजशिष्टाचार ही खाती असतील.

उपमुख्यमंत्री अजित पवार यांच्याकडे वित्त व नियोजन हे खाते
‘सुस्साट दादा’, कामकाजाला सुरुवात, अजित पवारांकडून ‘तिजोरी’ची झाडाझडती!
इतर २६ मंत्र्यांची खाती पुढीलप्रमाणे:

> छगन भुजबळ – अन्न व नागरी पुरवठा व ग्राहक संरक्षण
> दिलीपराव दत्तात्रय वळसे-पाटील – सहकार
> राधाकृष्ण विखे-पाटील – महसूल, पशुसंवर्धन आणि दुग्ध व्यवसाय विकास
> सुधीर सच्चिदानंद मुनगंटीवार- वने, सांस्कृतिक कार्य, व मत्स्य व्यवसाय
> हसन मियाँलाल मुश्रीफ – वैद्यकीय शिक्षण व विशेष सहाय्य
> चंद्रकांतदादा बच्चू पाटील – उच्च व तंत्रशिक्षण, वस्त्रोद्योग आणि संसदीय कार्य
> विजयकुमार कृष्णराव गावित- आदिवासी विकास
> गिरीश दत्तात्रय महाजन- ग्राम विकास आणि पंचायत राज, पर्यटन
> गुलाबराव पाटील- पाणीपुरवठा व स्वच्छता
> दादाजी दगडू भुसे- सार्वजनिक बांधकाम (सार्वजनिक उपक्रम)
> संजय दुलिचंद राठोड- मृद व जलसंधारण
> धनंजय पंडितराव मुंडे – कृषि
> सुरेशभाऊ दगडू खाडे- कामगार
> संदीपान आसाराम भुमरे- रोजगार हमी योजना व फलोत्पादन
> उदय रविंद्र सामंत- उद्योग
> प्रा.तानाजी जयवंत सावंत- सार्वजनिक आरोग्य व कुटुंब कल्याण
> रवींद्र दत्तात्रय चव्हाण – सार्वजनिक बांधकाम (सार्वजनिक उपक्रम वगळून),
> अब्दुल सत्तार- अल्पसंख्याक विकास व औकाफ, पणन
> दीपक वसंतराव केसरकर- शालेय शिक्षण व मराठी भाषा
> धर्मरावबाबा भगवंतराव आत्राम – अन्न व औषध प्रशासन
> अतुल मोरेश्वर सावे – गृहनिर्माण, इतर मागास व बहुजन कल्याण
> शंभूराज शिवाजीराव देसाई- राज्य उत्पादन शुल्क
> कु. अदिती सुनिल तटकरे – महिला व बालविकास
> संजय बाबुराव बनसोडे – क्रीडा व युवक कल्याण, बंदरे
> मंगलप्रभात लोढा- कौशल्य विकास, उद्योजकता व नाविन्यता
> अनिल पाटील – मदत पुनर्वसन, आपत्ती व्यवस्थापन.