सातारा : फलटण तालुक्यातील खराडवाडीजवळ टँकरने दिलेल्या धडकेत एकजण जागीच ठार झाला. ही धक्कादायक घटना सायंकाळी पाच वाजण्याच्या सुमारास लोणंद पोलीस ठाण्याच्या हद्दीत घडली. सुरेंद्र किसनराव भोसले (वय ५५, रा. साखरवाडी, ता. फलटण) असे ठार झालेल्या व्यक्तीचे नाव आहे. हा अपघात इतका भयंकर होता की, डोक्यावरून चाक गेल्याने चेंदामेंदा झाला होता.
याबाबत पोलिसांनी सांगितले की, फलटण तालुक्यातील साखरवाडी – बडेखान रस्त्यावर आज गुरुवारी संध्याकाळी पावणेपाच – पाच वाजण्याच्या सुमारास खराडवाडीजवळ टँकरने (एमएच १६ क्यू ७१६५) जोराच्या दिलेल्या धडकेत साखरवाडी येथील सुरेंद्र किसनराव भोसले (वय ५५) यांच्या डोक्याला गंभीर दुखापत होऊन जागीच ठार झाल्याची घटना घडली आहे. डोक्यावरून वाहनाचे चाक गेल्याने पूर्ण चेंदामेंदा झाला होता, असे उत्तम दर्शनी दिसत होते. या अपघातानंतर टँकरचालक घटनास्थळावरून पसार झाला.
याबाबत पोलिसांनी सांगितले की, फलटण तालुक्यातील साखरवाडी – बडेखान रस्त्यावर आज गुरुवारी संध्याकाळी पावणेपाच – पाच वाजण्याच्या सुमारास खराडवाडीजवळ टँकरने (एमएच १६ क्यू ७१६५) जोराच्या दिलेल्या धडकेत साखरवाडी येथील सुरेंद्र किसनराव भोसले (वय ५५) यांच्या डोक्याला गंभीर दुखापत होऊन जागीच ठार झाल्याची घटना घडली आहे. डोक्यावरून वाहनाचे चाक गेल्याने पूर्ण चेंदामेंदा झाला होता, असे उत्तम दर्शनी दिसत होते. या अपघातानंतर टँकरचालक घटनास्थळावरून पसार झाला.
Raj Thackeray: राज ठाकरे यांचीआगामी निवडणुकीबाबत खेडमध्ये मोठी घोषणा, कार्यकर्त्यांमध्ये संचारला उत्साह
अपघाताची माहिती लोणंद पोलिसांना समजताच घटनास्थळी पोलिस दाखल होऊन घटनास्थळाची पाहणी करून पंचनामा केला. त्यानंतर मृतदेह शवविच्छेदनासाठी लोणंद येथील प्राथमिक आरोग्य केंद्रात आणण्यात आला. शवविच्छेदनानंतर मृतदेह रात्री उशिरा नातेवाईकांच्या ताब्यात देण्यात आला.
सीमा हैदरला पाकला पाठवा, नाहीतर २६/११ सारखा हल्ला करू; मुंबई पोलिसांना धमकीचा फोन
याप्रकरणी अरुण विठ्ठल नलवडे (रा. जिंती, ता. फलटण) यांनी लोणंद पोलिस ठाण्यात फिर्याद दिली आहे. नलवडे यांच्या फिर्यादीवरून टँकर चालकावर गुन्हा दाखल करण्यात आला आहे. लोणंद पोलीस तपास करत आहेत.
Raj Thackeray: अरे हा मुख्यमंत्री तात्पुरता मी पर्मनंट अधिकारी; राज ठाकरेंची मुख्यमंत्री, फडणवीसांवर टीका