म. टा. प्रतिनिधी, नाशिक : शहरात पंचवीसपेक्षा अधिक तर, जिल्ह्यात ९८ अपघातप्रवण ठिकाणे असताना आता सुस्थितीत असलेल्या त्र्यंबकेश्वर-नाशिक महामार्गावर बेळगाव ढगानजीक अपघातप्रवण क्षेत्र तयार झाले आहे. तेथील हॉटेल संस्कृतीसमोर अनियंत्रित वेगामुळे झालेल्या अपघातात महिन्याभरात चौघे ठार तर, पाचपेक्षा अधिकजण गंभीर जखमी झाले. त्यामुळे अपघातांचा हा ‘अनियंत्रित मार्ग’ वेळीच नियंत्रणात आणण्यासाठी शहर पोलिसांनी तयारी सुरू केली आहे.
त्र्यंबकेश्वर-नाशिक महामार्गावरील बेळगाव ढगा परिसरातील रस्त्यावर बेदकारपणे वाहने चालविणाऱ्यांमुळे गंभीर स्वरूपाचे अपघात होत आहेत. महिरावणीपासून पुढे पिंपळगाब बहुल्यापर्यंत रस्त्या उतरत्या स्वरूपाचा आहे. तिथे वाहनांचा वेग आपसूकच वाढतो. त्यात या महामार्गावर महाविद्यालयीन विद्यार्थ्यांसह नियमित प्रवास करणारे नागरिक आणि पर्यटनासह देवदर्शनासाठी बाहेरून येणारे कित्येजण वेगमर्यादेचे उल्लंघन करतात. परिणामी, महिन्याभरात चार गंभीर स्वरूपाचे अपघात झाल्याने चौघांचा जागीच मृत्यू झाला. तर, सोमवारी (दि. १०) दुपारी याच ठिकाणी भरधाव कारने (एमएच १५ इएक्स ६४३१) दुभाजक ओलांडून त्र्यंबकेश्वरकडे जाणाऱ्या दुचाकीला धडक दिली. त्यामध्ये दुचाकीस्वार कमालाकर पारधी यांचा मृत्यू झाला. तर, त्यांची पत्नी ललिता (वय २७), मुलगी विद्या (७) व मुलगा तनिष्क (४) हे गंभीर जखमी झाले. यासह कारमधील दोघांवर उपचार सुरू आहेत. या अपघातानंतर त्या ठिकाणी उपाययोजना करण्यासाठी वाहतूक शाखा-३ च्या पथकासह सातपूर पोलिसांनी वरिष्ठांशी चर्चा केली आहे. त्यावर लवकरच निर्णयाची शक्यता आहे.
त्र्यंबकेश्वर-नाशिक महामार्गावरील बेळगाव ढगा परिसरातील रस्त्यावर बेदकारपणे वाहने चालविणाऱ्यांमुळे गंभीर स्वरूपाचे अपघात होत आहेत. महिरावणीपासून पुढे पिंपळगाब बहुल्यापर्यंत रस्त्या उतरत्या स्वरूपाचा आहे. तिथे वाहनांचा वेग आपसूकच वाढतो. त्यात या महामार्गावर महाविद्यालयीन विद्यार्थ्यांसह नियमित प्रवास करणारे नागरिक आणि पर्यटनासह देवदर्शनासाठी बाहेरून येणारे कित्येजण वेगमर्यादेचे उल्लंघन करतात. परिणामी, महिन्याभरात चार गंभीर स्वरूपाचे अपघात झाल्याने चौघांचा जागीच मृत्यू झाला. तर, सोमवारी (दि. १०) दुपारी याच ठिकाणी भरधाव कारने (एमएच १५ इएक्स ६४३१) दुभाजक ओलांडून त्र्यंबकेश्वरकडे जाणाऱ्या दुचाकीला धडक दिली. त्यामध्ये दुचाकीस्वार कमालाकर पारधी यांचा मृत्यू झाला. तर, त्यांची पत्नी ललिता (वय २७), मुलगी विद्या (७) व मुलगा तनिष्क (४) हे गंभीर जखमी झाले. यासह कारमधील दोघांवर उपचार सुरू आहेत. या अपघातानंतर त्या ठिकाणी उपाययोजना करण्यासाठी वाहतूक शाखा-३ च्या पथकासह सातपूर पोलिसांनी वरिष्ठांशी चर्चा केली आहे. त्यावर लवकरच निर्णयाची शक्यता आहे.
काय आहेत कारणे?
– महाविद्यालयीन विद्यार्थी, पर्यटक, भाविकांची वाहने सुसाट
– दुचाकीस्वार ‘रायडिंग’ करतात, हेल्मेट परिधान केलेले नसते
– शनिवार-रविवार मद्यपी वाहनचालकांचा मोठ्या प्रमाणात राबता
– पहिने, गिरणारे, जव्हारमार्गे आलेल्यांपैकी काहीजणांनी मद्यप्राशन केलेले असते
– बेफाम वाहन चालकांचे वेगावर नियंत्रण नसते
– बेळगाव ढगा येथे रम्बलर्स असूनही चालक वेग कमी करीत नाहीत
– महामार्गावरून वळण घेताना इतर वाहनांकडे दुर्लक्ष
– महिरावणीतील गतिरोधक सोडल्यानंतर पुढे वेग नियंत्रणासाठी उपाय नाहीत
– वाहतूक नियमनासाठी वाहतूक पोलिसांची गैरहजेरी
उपाय काय?
-‘स्पीडगन’द्वारे त्र्यंबकरस्त्यावर कारवाई व्हावी
– अपघातप्रवण क्षेत्रात ‘ब्लिंकर्स’ बसवावेत
– रम्बलर्स, अथवा हम्प सुस्थितीत असावेत
– चालकांना शिस्त लागेपर्यंत अंमलदार नेमावेत
– सुसाट जाणाऱ्या वाहनांची तपासणी करावी
– वेग नियंत्रणासाठी ठराविक ठिकाणी गतिरोधक करता येतील
त्र्यंबक रस्त्यावरील अपघात
– १० जुलै : दुपारी २ वाजता हॉटेल संस्कृतीसमोर भरधाव वेगाने आलेली कार आदळल्याने दुचाकीस्वार कमलाकर पांडुरंग पारधी (३३, रा. पिंपळगाव गरुडेश्वर) यांचा उपचारादरम्यान मृत्यू. त्यांची पत्नी, लहान मुलगी व मुलावर उपचार सुरू आहेत.
९ जुलै : रात्री ९ वाजता मोपेड वाहनावरुन जाताना दुभाजकाला धडकल्याने जखमी झालेले चालक अमान इलियाज पठाण (२४, रा. पिंपळगाव बहुला) यांचा मृत्यू
२० जून : त्र्यंबकेश्वरकडून नाशिककडे येणाऱ्या भरधाव कारच्या चालकाचे नियंत्रण सुटल्याने दुभाजक ओलांडून विरुद्ध दिशेने येणाऱ्या दोन दुचाकींवर धडकला. या अपघातात नामदेव विठ्ठल शिद (वय ३६, रा. राजेवाडी) आणि सुनील मनोहर महाले (२६, वाढोली) हे दोन दुचाकीस्वार ठार.
४ जून : निवृत्तिनाथ महाराजांच्या पालखी सोहळ्यात सहभागी झालेले निफाडमधील महाजनपुरातील वारकरी मधुकर चिल्लू शिंदे (वय ६७) यांचा अपघाती मृत्यू. त्र्यंबकरोडवर त्यांना भरधाव रिक्षाने धडक दिली.
.. मटा भूमिका ..
नाशिक-त्र्यंबक राज्य महामार्गावर अतिवेग हेच अपघाताचे प्राथमिक कारण आहे. त्याशिवाय, निसर्गरम्य परिसरील त्र्यंबकरोडवर छोटी-मोठी हॉटेल्स, लॉजिंगची संख्याही अधिक असल्याने मद्यपान करणाऱ्यांचा सतत वावर असतो. साहजिकच अशा मंडळींची दिवस-रात्र अनियंत्रित धावणारी वाहनांमुळे अपघात घडत असल्याचे निदर्शनास येते आहे. या रस्त्यावर दुचाकी अपघातांच्या संख्येचे प्रमाणही बरेच आहे. हेल्मेटचा वापर तरुणाई गांभीर्याने घेत नाही आणि पोलिस प्रशासनाला कारवाईत स्वारस्य नसल्याने अपघातांत बळी जाण्याचेही प्रमाण अधिक आहे.