गेल्या काही वर्षांत अपघातांची संख्या प्रचंड वाढली आहे. विशेषत: पुणे-नगर रस्त्यावर वाघोली परिसर आणि तेथून जाणाऱ्या राष्ट्रीय महामार्गालगतच्या भागात नेहमीच वाहनांची गर्दी असते. त्यातच या परिसरात अपघात झाल्यास जखमींना उपचारांसाठी ससून रुग्णालयात दाखल करावे लागते. वाघोली ते ससून रुग्णालय या परिसरात नेहमीच वाहतूककोंडीची समस्या असते. त्यामुळे ससून रुग्णालयात जाण्यासाठी वेळ लागतो. त्यामुळे या परिसरात ‘ट्रॉमा केअर युनिट’ सुरू करण्याची मागणी गेल्या अनेक वर्षांपासून होती.

Nashik Bus Accident: सप्तश्रृंगी आईनेच भक्तांना संकटातून तारलं, बस दरीत कोसळूनही २२ जण बचावले
‘ट्रॉमा केअर युनिट’ची गरज काय?

– या मार्गावर जड वाहनांच्या वाहतुकीचे प्रमाण जास्त.

– शिक्रापूरपर्यंत रस्त्याच्या बाजूला असणारी मोठी गावे.

– दुचाकी आणि चारचाकी वाहनांची संख्या जास्त.

– ‘रांजणगाव एमआयडीसी’मुळे जड वाहनांची संख्या अधिक.

– जड वाहनांची संख्या जास्त असल्याने अपघाताची शक्यता.

– ससून रुग्णालयावरील ताण कमी होण्यास मदत होणार.

या सुविधांचा समावेश

‘ट्रॉमा केअर युनिट’मध्ये सगळ्या प्रकारच्या अपघातांमधील जखमींवर एकाच ठिकाणी उपचार केले जातात. या युनिटमध्ये न्यूरोसर्जन, इंटेन्सिव्हिस्ट, जनरल सर्जन, ऑर्थोपेडिक सर्जन, ॲनेस्थेटिस्ट, निवासी वैद्यकीय अधिकारी, आपत्कालीन वैद्यकीय विभाग, रुग्णवाहिका आणि परिचारिका यांचा समावेश असतो. शस्त्रक्रिया आणि अतिदक्षता विभागात सर्व प्रकारची अत्याधुनिक उपकरणे, सोयीसुविधा उपलब्ध असतात. आपत्कालीन यंत्रणेसाठी लागणारी साधनसामग्री येथे उपलब्ध असते. रुग्ण दाखल झाल्यापासून त्याची प्रकृती स्थिर होईपर्यंतची सगळी काळजी या युनिटमध्ये घेतली जाते.