ठाणे : मोबाईल कॉलला प्रतिसाद देत नाही म्हणून पत्नीला मारहाण केल्याची घटना घडली आहे. कल्याण पश्चिमेतील खडकपाडा भागातील घरी जाऊन बुधवारी मध्यरात्री जाऊन पतीने तिला आणि मुलाला बेदम मारहाण करण्यात आली आहे. याप्रकरणी मारहाण करून जीवे मारण्याची धमकी देणाऱ्या पतीविरुध्द पत्नीने खडकपाडा पोलिस ठाण्यात तक्रार दाखल केली आहे. गिरीश (४४) असे गुन्हा दाखल पतीचे नाव आहे.
या संदर्भात पोलिस सूत्रांकडून मिळालेल्या माहितीनुसार, बुधवारी मध्यरात्रीच्या दरम्यान पती गिरीश हे आपल्यापासून अलिप्त राहत असलेल्या पत्नीला सतत मोबाईलद्वारे संपर्क करत होता. मात्र पत्नी प्रतिसाद देत नव्हती. त्यामुळे संतप्त झालेल्या पतीने रात्रीच्या सुमारास पत्नीच्या खडकपाडा येथील घरी जाऊन तु माझ्या मोबाईलला प्रतिसाद का देत नाहीस? तु कुठे गेली होतीस? असा जाब विचारला.
या संदर्भात पोलिस सूत्रांकडून मिळालेल्या माहितीनुसार, बुधवारी मध्यरात्रीच्या दरम्यान पती गिरीश हे आपल्यापासून अलिप्त राहत असलेल्या पत्नीला सतत मोबाईलद्वारे संपर्क करत होता. मात्र पत्नी प्रतिसाद देत नव्हती. त्यामुळे संतप्त झालेल्या पतीने रात्रीच्या सुमारास पत्नीच्या खडकपाडा येथील घरी जाऊन तु माझ्या मोबाईलला प्रतिसाद का देत नाहीस? तु कुठे गेली होतीस? असा जाब विचारला.
आपण शिर्डी येथे गेलो होतो, असे पत्नी कार्तिकीने सांगताच त्याचा गिरीश यांना राग आला. त्यांनी पत्नी आणि मुलाला बेदम मारहाण करण्यात सुरूवात केली. त्यानंतर जीवे मारण्याचीही धमकी दिली. पती निघून गेल्यानंतर पत्नीने पोलीस ठाणे गाठले आणि घडलेला प्रसंग सांगितला. तिच्या तक्रारीवरून पोलिसांनी गिरीशच्या विरोधात गुन्हा दाखल केला असून उपनिरीक्षक ए. एम. जाधव या प्रकरणाचा अधिक तपास करत आहेत.