ठाणे:मिरा भाईंदर पालिकेच्या कंत्राटी अभियंत्याला कानशिलात लगावल्याने मिरा भाईंदरच्या आमदार गीता जैन चर्चेत आल्या आहेत. पालिका अधिकाऱ्याशी बोलत असताना अधिकारी बेजबाबदार पध्दतीने हसल्याने आल्याने गीता जैन यांचा पारा चढल्याचे पाहायला मिळाले. पावसाळ्यात बांधकामांवर कारवाई न करण्याचे आदेश असतानाही कारवाई करण्यात येत होती याचा जाब विचारण्यास जैन गेल्या होत्या त्यावेळी हा प्रकार घडला होता.
व्हिडिओ समोर आल्यानंतर गीता जैन यांनी माफी मागण्यास नकार दिला होता. ‘पीडित कुटुंबाला घरातून बाहेर काढलं आणि हा अभियंता हसत होता. हा प्रकार अजिबात सहन होणारा नाही. त्यामुळे मी त्याच्या कानाखाली लगावली,’ असे स्पष्टीकरण जैन यांनी दिले आहे.
व्हिडिओ समोर आल्यानंतर गीता जैन यांनी माफी मागण्यास नकार दिला होता. ‘पीडित कुटुंबाला घरातून बाहेर काढलं आणि हा अभियंता हसत होता. हा प्रकार अजिबात सहन होणारा नाही. त्यामुळे मी त्याच्या कानाखाली लगावली,’ असे स्पष्टीकरण जैन यांनी दिले आहे.
कसा आहे गीता जैन यांचा राजकीय प्रवास:
गीता यांचा १९८४ साली माजी खासदार मिठालाल जैन यांचे सुपुत्र भरत जैन यांच्याशी विवाह झाला. राजकीय वारसा लाभलेल्या घरात सून म्हणून आल्यानंतर गीता जैन यांच्या राजकीय प्रवासाला सुरुवात झाली.सासरे मिठालाल जैन यांच्या राजकीय पावलावर पाऊल ठेवत गीता जैन यांनी २००२ मध्ये पहिल्यांदा मिरा- भाईंदर महानगरपालिका निवडणूक लढवली. या निवडणुकीत विजयी होतं त्यांनी महापालिकेत प्रवेश मिळवला.
मात्र, २००७ साली काँग्रेस पक्षातून निवडणूक लढल्यावर त्यांचा पराभव झाला. त्यानंतर २००९ साली त्यांनी भारतीय जनता पक्षात प्रवेश केला. भाजपच्या तिकिटावर २०१२ मध्ये त्या पुन्हा एकदा नगरसेवक म्हणून निवडून आल्या. अखेर, २०१५ मध्ये गीता जैन मिरा-भाईंदर महापालिकेच्या महापौरपदी विराजमान झाल्या. त्यानंतर २०१७ च्या निवडणुकीत त्या पुन्हा एकदा सर्वाधिक मतांनी नगरसेवक म्हणून निवडून आल्या. मात्र, २०१७ साली महापालिका निवडणुकीत निवडून आल्यावर त्यांना महापौर पदापासून दूर ठेवण्यात आले.
आमदार गीता जैन यांनी अभियंत्याचा शर्ट खेचला, कानशिलातही लगावली; नेमकं काय घडलं?
भाजपशी फारकत:
मिरा- भाईंदर महापालिकेच्या महापौर राहिलेल्या गीता जैन यांनी २०१९ च्या विधानसभा निवडणुकीत भारतीय जनता पक्षाकडून निवडणूक लढवण्याची इच्छा व्यक्त केली. मात्र, उपमुख्यमंत्री देवेंद्र फडणवीस यांचे निकटवर्तीय मानले जाणारे नरेंद्र मेहता यांना भाजपने निवडणुकीच्या रिंगणात उतरवले. त्यानंतर बंडखोरी करत गीता जैन यांनी अपक्ष निवडणूक लढवत जोरदार प्रचार करत नगरसेवक आणि महापौर असताना मिरा-भाईंदर शहरात केलेली कामं, जनसंपर्क या जोरावर त्यांनी भाजपचे नरेंद्र मेहता यांचा पराभव केला.
पुन्हा भाजप प्रवेश व्हाया शिवसेना:
अपक्ष निवडणूक जिंकूनही त्यांनी भाजपला समर्थन दिले. त्यावेळी जैन यांना भारतीय जनता पक्ष मिरा- भाईंदरची कमान आपल्या हातात देईल अशी त्यांची अपेक्षा होती. मात्र, स्थानिक भाजपकडून त्यांना डावलण्याचा प्रयत्न होत राहिला. त्यामुळे नाराज आमदार गीता जैन यांची शिवसेनेशी जवळीक वाढली महाविकास आघाडीचे सरकार राज्यात असल्याने त्यांनी तत्कालीन नगरविकास मंत्री एकनाथ शिंदे यांच्या मार्गदर्शनाखाली ऑक्टोबर २०२० रोजी शिवसेना पक्षप्रमुख आणि तत्कालीन मुख्यमंत्री उद्धव ठाकरे यांच्या हस्ते हातावर शिवबंधन बांधले. मागील वर्षी राज्यात झालेल्या शिवसेनेतील बंडानंतर सत्तांतर होणार या पार्श्वभूमीवर देवेंद्र फडणवीस यांची भेट घेउन मीरा- भाईंदर मतदारसंघाच्य आमदार गीता जैन यांनी जून २०२२मध्ये पुन्हा भारतीय जनता पक्षात प्रवेश केला.
पवारांच्या हाती शिवसेनेचा धनुष्यबाण; निशाणा नेमका कोणावर? राजकीय वर्तुळात चर्चा