अकोला: फेसबुकवरून एकमेकांची ओळख झाल्यानंतर एका व्यक्तीने ३२ वर्षीय महिलेला ब्लॅकमेल करत अनेकदा अत्याचार केल्याची धक्कादायक घटना समोर आली आहे. इतकेच नव्हे तर तिला ३ लाख ७० हजार रुपयांचा गंडादेखील लावला आहे. विशेष म्हणजे अत्याचार करणाऱ्या व्यक्तीने आपला धर्मचं नव्हे तर नावही लपवलं होते. फेसबुकवर बनावट अकाउंट तयार करून सैय्यदने आपली ओळख प्रेम पाटील या नावानं दाखवली होती. अखेर सैय्यदच्या त्रासाला कंटाळून ३२ वर्षे महिलेने सर्व घटनाक्रम आपल्या भावाला सांगितला. त्यानंतर पतीसह कुटुंबियांनी पोलीस ठाणे गाठले. या प्रकरणी आता अकोट शहर पोलिसांनी गुन्हा दाखल करून आरोपी सैय्यदला बेड्या ठोकल्या आहेत.
काय आहे संपूर्ण घटना?
पोलिसांनी दिलेल्या माहितीनुसार, अकोट तालुक्यातील रहिवासी असलेली ३२ वर्षीय पूजा (बदलेलं नाव) हिच फेसबुकवर अकाउंट होते. तिला तीन वर्षांपूर्वी प्रेम पाटील या नावाने रिक्वेस्ट आली होती. तिने ती रिक्वेस्ट स्वीकारली. नंतर दोघांमध्ये चांगली ओळख झाली. एकमेकांसोबत बोलू लागले. काही दिवसानंतर प्रेमने तिचा मोबाईल नंबर घेतला. त्यानंतर दोघेही व्हाट्सअप फोन ऑडिओ, व्हिडिओद्वारे बोलू लागले. मैत्री घट्ट झाल्यानंतर प्रेमने पूजाला तीन हजार रुपये उसने मागितले. अन् तिनेही पैसे दिले. हळूहळू त्यांचे संबंध घरापर्यंत पोहचले. पूजाचा पती घरी नसताना प्रेम तिच्या घरी यायचा.
दहा वर्षांपूर्वीच्या भांडणाचा राग, चायनिज हॉटेलमध्ये दबा धरून बसला, समोर येताच…
त्यानंतर प्रेमने पूजाचा मोबाईल हातात घेतला. त्यानंतर मोबाईलमधून तिच्या पतीसह नातेवाईकांचे मोबाईल क्रमांक घेतले. काही काळाने आपण दोघे बोलतोय, या संदर्भात तुझ्या पतीला सांगेल अशी धमकी देऊ लागला. मग प्रेमने तिच्याकडे शारीरिक सुखाची मागणी केली. नाईलाजाने पूजाला मागणी मान्य करावी लागली. परंतु काही दिवसानंतर पूजाला प्रेमचे सत्य कळलं. वास्तविकमध्ये प्रेमचे नाव सैय्यद शरीफ सैय्यद सफी असं असल्याचं समजले. दरम्यान प्रेमने सुरुवातीला आपलं नाव आणि धर्म दोन्ही गोष्टी लपवल्या होत्या. तसेच तो अविवाहित असल्याचं सांगितलं.
तुझी बदनामी करेन म्हणत अशाप्रकारे तिला ब्लॅकमेल करीत सैय्यदने अनेकवेळा शारीरिक संबंध प्रस्तापित केले. अन् त्याचे व्हिडीओदेखील मोबाईलमध्ये काढले. त्यानंतर व्हिडीओ सोशल मीडियावर व्हायरल करेन अशा धमक्या देऊ लागला. इतकेचं नव्हे तर तिच्यावर लक्ष ठेवता यावे या उद्देशानं तिच्याच घरामागे एका खोलीमध्ये कुंटुबासह भाड्याने राहायला आला. अन् पती घरी नसल्याबाबतची सर्व माहिती ठेवून घरी येत जबरीने वारंवार संभोग करायचा. तसेच बदनामी करण्याची आणि तिच्या मुलांना मारुन टाकण्याची धमकी देत पैशाची मागणी करू लागला. अशाप्रकारे पूजानं त्याला थोडे-थोडे करुन आतापर्यंत ३ लाख ७० हजार रूपये दिले आहेत.पावसापासून वाचण्यासाठी धरला झाडाचा आडोसा, मात्र तिथेच झाला घात अन्…
१५ मे रोजी पूजाच्या मुलाची अकोल्यात परीक्षा असल्याने पती अन् मुलगा दोघेही घरून निघाले. पुन्हा सैय्यदनं इथे तिच्यावर अत्याचार केला. पती घरी आल्यानंतर ती माहेरी मुलांसह निघुन गेली. माहेरी असताना सैय्यद शरीफ सैय्यद सफी याने वारंवार फोन करून तु लवकर परत ये, तु जर परत आली नाही तर तुझ्या भावाला मारून टाकेन, अशी धमकी दिली. अखेर पूजाच्या संयमचा बांध सुटला आणि सर्व घडलेला प्रकार भावाला सांगितला. त्यानंतर पतीच्या कुटुंबियांनी पोलीस ठाणे गाठले. अकोट शहर पोलीस ठाण्यात सैय्यदविरुद्ध अत्याचाराचा गुन्हा दाखल करण्यात आला. सद्यस्थितीत आरोपी हा करागृहात असून याप्रकरणी अधिक तपास अकोट शहर पोलीस स्टेशनचे पोलीस निरीक्षक प्रकाश अहिरे करीत आहेत.