जालना : जिल्ह्याच्या अंबड तालुक्यातील हस्तपोखरी कर्जत या १० किलोमीटर रोडच्या डांबरीकरणाचं काम पंतप्रधान ग्रामसडक योजनेअंतर्गत सुरू करण्यात आलं आहे. या रोडच्या कामात कंत्राटदाराने डांबरीकरणाच्या नावाखाली चक्क लांबच लांब प्लास्टिक पेपरचा वापर केला. आणि त्यावर डांबरीकरण केलं. यानंतर पंतप्रधान ग्राम सडक योजनेअंतर्गत हे बोगस काम सुरू असल्याचा व्हिडिओ व्हायरल झाला होता.
रस्त्याच्या बोगस कामाची माहिती मिळताच संतप्त झालेल्या नागरिकांनी अक्षरशः रस्ता हाताने चादरी सारखा उचलून त्याखाली आसलेला प्लास्टिक पेपर उघड करून दाखला. आणि रस्त्याच्या डांबरीकरणातील बोगस काम गावकऱ्यांनी समोल आणलं. त्यानंतर नागरिकांनी या संपूर्ण कामाची चौकशी करून सदरील कंत्राटदारावर अभियंत्यावर कारवाई करण्याची मागणी केली होती.
रस्त्याच्या बोगस कामाची माहिती मिळताच संतप्त झालेल्या नागरिकांनी अक्षरशः रस्ता हाताने चादरी सारखा उचलून त्याखाली आसलेला प्लास्टिक पेपर उघड करून दाखला. आणि रस्त्याच्या डांबरीकरणातील बोगस काम गावकऱ्यांनी समोल आणलं. त्यानंतर नागरिकांनी या संपूर्ण कामाची चौकशी करून सदरील कंत्राटदारावर अभियंत्यावर कारवाई करण्याची मागणी केली होती.
अखेर या बातमीची दखल केंद्र आणि राज्य सरकारकडून घेण्यात आली आहे. केंद्र सरकार आणि राज्य सरकारच्या पथकानं कर्जत हस्तपोखरी रस्त्याची पाहणी केली. त्यामुळे या पाहणीतून काय निष्कर्ष समोर येतो याकडे आता सगळ्यांच लक्ष लागून राहिलं आहे. या रस्त्यात भ्रष्ट्राचार झाल्याचा आरोप ग्रामस्थांनी केला आहे. या प्रकरणाची मोठी चर्चा झाली. आम्ही सदरील कामाच्या दर्जाची तपासणी करत आहोत. आमची तपासणी पूर्ण झाल्यावरच यावर निष्कर्ष देता येईल. सध्या यावर बोलणं योग्य होणार नसल्याची प्रतिक्रिया पथकातील सदस्य राकेश कुमार यांनी दिली.
दरम्यान, या रस्त्याचं काम करणाऱ्या कंत्राटदाराला विषयावर विचारण्यात आलं. या कामाचे कंत्राटदार खुषालसिंग राणा ठाकूर यांनी यावर आपली प्रतिक्रिया दिली आहे. व्हायरल करण्यात आलेला व्हिडिओ चुकीच्या पद्धतीने शेअर करण्यात आला आहे. सदरील रस्त्याचे काम आम्ही नव्या नियमांनुसार करत आहोत. त्यानुसार रस्त्यावर एक म्याटिंग पसरवली जाते. त्यानंतर त्यावर रस्त्यासाठी आवश्यक ते सर्व साहित्य पसरवलं जातं. त्यावर टाकण्यात असलेला माल सेट होण्यासाठी कमीत मामी ३/४ तास लागतात. परंतु काही लोकांनी रोडवरील माल सेट होण्याआधीच तो उकरून त्याचा व्हिडिओ सोशल मीडियावर व्हायरल केला. आम्ही उच्च गुणवत्तेच्या निकषांवर रस्त्याचं काम करत आहोत. जे की सर्व चाचण्यामध्ये पास झालेलं आहे, असा दावा राणा ठाकूर याने केला.
Bike Accident : नुकतंच लग्न झालेलं, पतीसोबत प्रवासासाठी निघाली पण अनर्थ.. ट्रेलरची धडक अन् नवविवाहिता ठार
आम्ही रोड बनवण्याचे साहित्य रोडवर पसरवले, त्यावेळी त्याचे तापमान १६५ अंश इतके होते. शिवाय बाहेरील तापमानही जास्त होते. त्यामुळे ते साहित्य लवकर सेट झालेले नव्हते. त्यामुळे आम्ही खराब प्रतीचा माल वापरतो असं लोकांना वाटलं. आम्ही आमच्याकडून तांत्रिक रित्या काहीच चूक केलेली नाही. उलट या रस्त्याची ५ वर्षांपर्यंत देखभालीची जबाबदारी आमची आहे. तर मग मी खराब मटेरियल का वापरू? असा प्रश्न ही त्यांनी उपस्थित केला. या पार्श्वभूमीवर केंद्र आणि राज्य सरकारच्या पथकाचा काय निष्कर्ष निघतो हे बघणं गरजेचं आहे.