खासदार बाळू धानोरकर यांचे पार्थिव वरोरा येथील निवासस्थानी दर्शनासाठी काल ठेवण्यात आले होते. आपल्या नेत्याचे अंतिम दर्शन घेण्यासाठी कार्यकर्ते आणि चाहत्यांनी मोठी गर्दी केली होती. आज सकाळी 10 वाजेपर्यंत धानोरकर यांच्या पार्थिवाचं अंत्यदर्शन करता येणार आहे. त्यानंतर अंत्ययात्रा निघणार आहे. बुधवारी अंत्यसंस्कारासाठी राष्ट्रीय -राज्य पातळीवरील नेत्यांची उपस्थिती राहणार असून महाविकास आघाडीतील मित्र पक्षांचे नेतेही हजर राहणार आहेत. काँग्रेसचे प्रदेशाध्यक्ष नाना पटोले, अशोक चव्हाण, बाळासाहेब थोरात, खा. इमरान प्रतापगढी, मुकुल वासनिक हे नेते अंत्यसंस्काराला उपस्थित राहतील, अशी माहिती विजय वडेट्टीवार यांनी दिली. वडेट्टीवार हे स्वतः परिस्थितीवर लक्ष ठेवून असून नियोजन करत आहेत.