मार्केट यार्डातील फळबाजारात रविवारी कलिंगड, खरबूज, पपई आणि डाळींबाच्या दरात वाढ झाली असून, लिंबाच्या भावात घट झाली. चिक्कू, अननस, पेरू आणि मोसंबीचे दर स्थिर असल्याची माहिती व्यापाऱ्यांनी दिली़ केरळ येथून अननस सात ट्रक, मोसंबी १० ते १५ टन, डाळिंब ३५ ते ४० टन, पपई सात ते आठ टेम्पो, लिंबांची सुमारे दोन ते अडीच हजार गोणी, कलिंगड तीन ते चार टेम्पो, खरबूज दोन ते तीन टेम्पो, पेरू ५० क्रेट्स, चिक्कू एक हजार डाग इतकी आवक झाली. दरम्यान, फूलबाजारात फुलांची आवक आणि मागणी समप्रमाणात असल्याने सर्वच फुलांचे दर स्थिर असल्याची माहिती व्यापाऱ्यांनी दिली.

नेहमीप्रमाणे कुत्र्याला अंघोळ घालण्यासाठी तलावावर गेले; बहीण भावासोबत नको ते घडलं
चिकन, मटणाचे दर स्थिर

गणेश पेठेतील मासळी बाजारात रविवारी (२८ मे) खोल समुद्रातील मासळीची १२ ते १५ टन, खाडीच्या मासळीची २०० ते ३०० किलो, तर नदीच्या मासळीची एक टन इतकी आवक झाली. आंध्र प्रदेश येथून रहू, कटला आणि सिलनची सुमारे १५ ते २० टन इतकी आवक झाली, अशी माहिती मासळीचे व्यापारी ठाकूर परदेशी, चिकन-अंडयांचे व्यापारी रूपेश परदेशी आणि मटणाचे विक्रेते प्रभाकर कांबळे यांनी दिली. मागणीच्या तुलनेत मासळीची आवक कमी होत असल्याने हलवा, सुरमई, रावस, पापलेटचे दर पाच ते दहा टक्क्यांनी वाढले आहेत. बोंबील, बांगडा, कोळंबीसह लहान मासळीचे उर्वरित सर्व प्रकारच्या मासळीचे दर स्थिर होते. इंग्लिश, गावरान अंड्यासह चिकन, मटणाचे दर गेल्या आठवड्याच्या तुलनेत स्थिर होते.