संतोषविरुद्ध फसवणुकीचा गुन्हा दाखल झाला आहे. पोलिसांनी त्याचे एसबीआय बँकेचे खाते गोठविले आहे. शुक्रवारी दुपारी संतोष हा पोलिस स्टेशनमध्ये आला. यावेळी शिपाई युगल सेलोकर हे काम करीत होते. संतोष हा त्यांच्याजवळ आला. माझे गोठविलेले खाते परत सुरू केला, असे तो त्यांना म्हणाला. याप्रकरणाचा तपास उपनिरीक्षक संतोष ओवांडकर यांच्याकडे आहे. ‘कृपया माझ्याशी याबाबत काहीही बोलू नका’, असे युगल त्याला म्हणाले. ‘काही पैसे घेऊन माझे गोठविलेले खाते पुन्हा सुरू करून द्या’, असे म्हणत गोसावीने युगल यांना लाच देऊ केली. युगल यांनी त्याला फटकारले. न्यायालयाच्या आदेशानंतर खाते पुन्हा सुरू होऊ शकते, असे सांगितले. त्यानंतर गोसावी घरी गेला. दुपारी ३ वाजताच्या सुमारास खोलीतील दरवाजा बंद केला. तो पंख्याला ओढणी बांधून आत्महत्येचा प्रयत्न करायला लागला. नातेवाइकांनी लगेच कोराडी पोलिसांना माहिती दिली. माहिती मिळताच कोराडी पोलिसांचा ताफा तेथे पोहोचला.
दरवाजा तोडून पोलिसांनी त्याचा फास काढला. पोलिस वेळीच पोहोचल्याने अनर्थ टळला. याप्रकरणी कोराडी पोलिसांनी संतोष याच्याविरुद्ध आत्महत्येचा प्रयत्न केल्याचा गुन्हा दाखल केला.