बुलढाणा : मुंबई – नागपूर जुन्या महामार्गावर एसटी बस आणि ट्रकचा भीषण अपघात झाला आहे. बुलढाण्यातील सिंदखेडराजा जवळ एसटीचा भीषण अपघात झाला आहे. या भीषण अपघातात ५ जणांचा मृत्यू झाला आहे तर १३ जण जखमी झाले आहेत. भरधाव ट्रक आणि एसटीच्या धडकेनं हा भयंकर अपघात घडला आहे. मृतांचा आकडा वाढण्याची भीती वर्तवण्यात येत आहे. जखमींवर सिंदखेडराजा रुग्णालयाच उपचार सुरु आहेत. अपघातास्थळी पोलीस आणि स्थानिकांकडून बचावकार्य सुरु आहे.

विठ्ठलाचे दर्शन घेऊन येणाऱ्या भाविकांचा अपघात; तिघांचा मृत्यू

दरम्यान, कालच पंढरपूर येथे विठ्ठल दर्शनासाठी गेलेल्या भाविकांच्या वाहनाचा परतत असताना जिल्ह्यातील शेगाव शहरात भीषण अपघात झाला. सकाळी सहा वाजेच्या सुमारास शेगाव शहराच्या प्रवेशद्वाराच्या पिलरला भाविकांना घेऊन जाणारी क्रुझर गाडी जोरदार धडकली.

चालकाला झोप आल्याने क्रुझर धडकली, विठ्ठलाचे दर्शन घेऊन येणाऱ्या भाविकांचा अपघात; तिघांचा मृत्यू
या भीषण अपघातामध्ये ३ जण जागीच ठार झाले आहेत, तर ७ जण गंभीर जखमी झाले. स्थानिकांनी तात्काळ अपघातग्रस्त वाहनातील जखमींना शेगावच्या सईबाई मोटे उपजिल्हा रुग्णालयात दाखल करण्यात आलं.

अपघातामध्ये गंभीर जखमी झालेल्या भाविकांना पुढील उपाचारार्थ अकोला रुग्णालयात हलवण्यात आलं. चालकाला झोप लागल्याने हा अपघात झाल्याची प्राथमिक माहिती समोर आली.

एसटी चालकाचा महामार्गावर अंदाज चुकला अन् बस थेट रस्ते दुभाजकावर चढली; ४७ प्रवासी थोडक्यात बचावले