नागपूर : तेव्हा प्रज्वल आईच्या पोटात होता. त्याच्या जन्माची वेळ जवळ येत होती… वडील रजेवर येणार होते, पण १९९९ मध्ये कारगिल युद्ध सुरू झाले. त्याचे वडील लान्स नाईक कृष्णाजी समृत कारगिलमध्ये तैनात होते. वडिलांच्या हौतात्म्यानंतर ४५ दिवसांनी प्रज्वलचा जन्म झाला. कृष्णाजी समृत यांचा मोठा मुलगा तेव्हा अडीच वर्षांचा होता. आपल्या मुलाने आपल्याप्रमाणे भारतीय सैन्यात भरती व्हावे अशी त्यांची इच्छा होती. कृष्णाजी समृत यांचे हे स्वप्न अपूर्ण राहिले होते. कारण ते शहीद झाले आणि मोठा मुलगा सैन्यात भरती झाला नाही. जन्मापूर्वीच वडील गमावलेल्या प्रज्वलला जेव्हा वडिलांचे स्वप्न कळले तेव्हा त्याने ते पूर्ण करण्याचा निर्णय घेतला. अखेर तो आता आयएमएमध्ये जाण्यासाठी तयार झाला आहे. प्रज्वलला ८ वेळा अपयशाला सामोरे जावे लागले. पण त्याने प्रयत्न करणे सोडले नाही ही मोठी गोष्ट आहे. यावेळी शेवटची संधी होती. त्यामुळे बॅकअप म्हणून प्रज्वलने CAT सारखी खडतर परीक्षा दिली आणि त्यात त्याने यश मिळवले. मात्र तरीही प्रज्वलला भारतीय सैन्यातच जाणार आहे.
प्रज्वल जूनच्या पहिल्या आठवड्यात डेहराडूनमधील प्रतिष्ठित इंडियन मिलिटरी अकादमीत (IMA) कॅडेट म्हणून रुजू होणार आहे. त्याचा मोठा भाऊ कुणालने अभियांत्रिकीमध्ये प्रवेश घेतल्यानंतर, प्रज्वलने (२३) आपल्या वडिलांचे स्वप्न पूर्ण करण्याची जबाबदारी स्वतःवर घेतली आहे.
प्रज्वल जूनच्या पहिल्या आठवड्यात डेहराडूनमधील प्रतिष्ठित इंडियन मिलिटरी अकादमीत (IMA) कॅडेट म्हणून रुजू होणार आहे. त्याचा मोठा भाऊ कुणालने अभियांत्रिकीमध्ये प्रवेश घेतल्यानंतर, प्रज्वलने (२३) आपल्या वडिलांचे स्वप्न पूर्ण करण्याची जबाबदारी स्वतःवर घेतली आहे.
बॅकअपसाठी दिली CAT परीक्षा
प्रज्वलसाठी सैन्यात भरती होणे सोपे नव्हते. त्याला आपले ध्येय साध्य करण्यासाठी ९ सेवा निवड मंडळाच्या (एसएसबी) मुलाखतींना सामोरे जावे लागले. हा त्याचा शेवटचा प्रयत्न होता. त्यामुळे त्याला एक मजबूत बॅकअप योजना तयार करावी लागली. त्याने कॉमन अॅडमिशन टेस्ट (CAT) दिली आणि या महिन्यात इंडियन इन्स्टिट्यूट ऑफ मॅनेजमेंट (IIM) इंदूर आणि कोझिकोड यांच्याकडून त्याला ऑफरही मिळाल्या.
भयानक! वाहनांमधून लोखंडी रॉड, फावडी घेऊन ते आले, थेट घर खोदले, घराला आग लावली, महिलांना मारहाण केली
प्रज्वलची आईने (सविता, वय ५२) यांनी कारगिल युद्धात तिने आपला नवरा गमावला असला तरी, आपल्या पतीचे स्वप्न पूर्ण करेल असा त्यांना मुलगा व्हावा होता. ‘माझ्या पतीला माझ्या मोठ्या मुलाला आर्मी ऑफिसर बनवायचे होते. कुणालला असे करण्यात अपयश आल्यानंतर आम्हाला प्रज्वलकडून आशा होत्या. मला त्याचा खूप अभिमान वाटतो,’ असे त्यांनी सांगितले.
पापुआ न्यू गिनीमध्ये पंतप्रधान मोदींचे भव्य स्वागत, पंतप्रधान जेम्स मारापे यांनी केला चरणस्पर्श
प्रज्वलला ८ वेळा आले अपयश
२०१८ मध्ये, प्रज्वलने एनडीएची तयारी करण्यासाठी इयत्ता १२ वी नंतर ड्रॉप घेतला आणि प्रथम SSB पास केले. मात्र, तो वैद्यकीय तपासणीत नापास झाला. प्रज्वल म्हणाला, ‘मी एसएसबीच्या आणखी सात मुलाखती दिल्या आहेत. प्रत्येक वेळी, मी स्क्रिनिंग पास करण्यासाठी गेलो होतो पण मला स्क्रीनिंग आउट केले गेले. मला का काढण्यात आले याचे कारण सांगण्यात आले नाही.’