मुंबई: अंधेरी पूर्व भागात एका धक्कादायक दुर्घटनेत ४ वर्षांच्या मुलीने आपला जीव गमावला आहे. ही चिमुकली आपल्या भावांसोबत दुकानात वेफर्स खरेदी करायला गेली होती. तेव्हा तिच्या अंगावर दुकानाचं काचेचं काउंटर पडलं (Glass Counter Falls On Girl) आणि तिचा दुर्दैवी मृत्यू झाला. दुकानाचं काचेचं काउंटर अचानक तिच्या अंगावर उलटलं आणि ती काउंटरखाली अडकून पडली. तिला तात्काळ काउंटर खालून काढण्यात आलं आणि तातडीने रुग्णालयात दाखल करण्यात आले, परंतु रुग्णालयात दाखल करण्यापूर्वीच डॉक्टरांनी तिला मृत घोषित केले, असे पोलिसांनी सांगितले.अंधेरी पूर्वेकडील (Andheri East) पंप हाऊस परिसरात मंगळवारी दुपारी ही भयंकर दुर्घटना घडली. संजना चव्हाण असं या चिमुकलीचं नाव असल्याची माहिती आहे. संजना ही मोठा भाऊ आणि चुलत बहिणीसोबत ए-१ वेफर्सच्या दुकानात वेफर्स खरेदी करण्यासाठी गेली होती.
ती ज्या काउंटरखाली अडकली होती, त्या काउंटरला चाकं असल्याचं पोलिसांना आढळून आलं. ही चिमुकली काउंटरजवळ खेळत होती आणि अचानक काउंटर उलटलं, असं तपासात समोर आल्याचं एका अधिकाऱ्याने सांगितले.
ती ज्या काउंटरखाली अडकली होती, त्या काउंटरला चाकं असल्याचं पोलिसांना आढळून आलं. ही चिमुकली काउंटरजवळ खेळत होती आणि अचानक काउंटर उलटलं, असं तपासात समोर आल्याचं एका अधिकाऱ्याने सांगितले.
हा काउंटर उंच होता. जेव्हा हे काउंटर या मुलांच्या दिशेने उलटत होतं तेव्हा संजनाचा मोठा भाऊ आणि चुलत बहीण ताबडतोब तेथून बाजुला झाले. मात्र, खेळण्यात व्यस्त असलेल्या संजनाला याची कल्पनाही नव्हती. काउंटर उलटून ती त्याच्या खाली अडकली आणि त्यात तिचा मृत्यू झाला.
लग्नाच्या तीन महिन्यानंतरही पतीचा मधुचंद्राला नकार, सासूने विचारताच जावयाचं हादरवणारं उत्तर
दुकान तिच्या राहत्या घरापासून काही अंतरावर होत. संजना अडकल्याचं कळताच दुकानाचा मालक बाहेर आला आणि त्याने त्याच्या कामगारासह आणि काही स्थानिकांसह काउंटर हलवून संजनाला बाहेर काढलं. त्यानंतर तिला तात्काळ रुग्णालयात नेण्यात आलं.
याप्रकरणी आयपीसीच्या कलम ३०४ (अ) अन्वये गुन्हा नोंदवला आहे आणि दुकान मालक आनंद राज आणि त्याचा कामगार कृष्णा यांच्यावर गुन्हा दाखल केला आहे. दोघांना अटक करून न्यायालयात हजर केले गेले, त्यांना न्यायालयीन कोठडी सुनावण्यात आली आहे, अशी माहिती पोलिसांनी दिली.