म. टा. वृत्तसेवा, नाशिक रोड : मॅट्रोमोनियल साइटवर ओळख झाली. युवती नाशिकची तर युवक पुणेजवळील चाकणचा. ओळखीचे रुपांतर प्रेमात झाले. साखरपुडाही झाला. वर थेट वधूच्या घरी राहण्यास आला. साडेतीन महिन्यानंतर लग्न ठरले. वराने लग्नासाठी हॉलदेखील बूक केला. लग्नाच्या ठरलेल्या दिवशी वधू बूक केलेल्या हॉलवर सहकुटुंब गेली असता तिथे दुसऱ्याच वर-वधूची लग्नगाठ बांधली जात होती. वधूच्या कुटुंबाने वराशी संपर्क केला असता त्याने वधूची फसवणूक करून पोबारा केल्याचा धक्कादायक प्रकार उघडकीस आला. त्यानंतर वधूने रात्रीच थेट पोलिस ठाणे गाठून आपल्याला लग्नाचे आमिष दाखवून फसवणूक करणाऱ्या नियोजित वर अर्थात प्रियकराच्या विरोधात फसवणुकीची तक्रार दिली.फसवणूक झालेली २८ वर्षीय युवती नाशिकच्या एकलहरे परिसरातील असून, तिने नाशिकरोड पोलिस ठाण्यात फिर्याद दिली आहे. यानुसार संशयित अनिरुद्ध दिनकर शिंगारे (रा. चिपळी फाटा, चाकण, पुणे) याच्याविरोधात गुन्हा दाखल करण्यात आला आहे. या प्रकरणातील युवती ही एका कंपनीत नोकरी करते. एक वर्षापूर्वी तिची संशयित अनिरुद्ध शिंगारे या युवकाशी मॅट्रोमोनियल साइटवर ओळख झाली. त्यांच्यात विवाहाविषयी बोलणी होऊन रीतसर बघण्याचा कार्यक्रमही झाला.
डॉ. कुरुलकर हनी ट्रॅप प्रकरणाचे धागेदोरे नाशिकपर्यंत, WhatsApp चॅटमध्ये दोन संशयित महिला
गेल्या जानेवारी महिन्यात त्यांचा साखरपुडा पार पडला तेव्हापासून संशयित अनिरुद्ध नियोजित वधूच्या घरीच वास्तव्याला होता. १५ मे ही त्यांच्या लग्नाची तारीख ठरवून संशयित अनिरुद्धने नाशिकमधील छत्रपती संभाजीनगर रोडवरील श्री आनंद बँक्वेट हॉल लग्नासाठी बूक केल्याचे सांगितले. लग्नाची तारीख जवळ आल्याने युवतीने याबाबत अनिरुद्धकडे चौकशी केली असता त्याने तिला उडवाउडवीची उत्तरे दिली. त्यामुळे युवतीने लग्नासाठी बूक केलेल्या हॉलवर जावून माहिती घेतली असता तिच्या लग्नाच्या तारखेच्या दिवशी या हॉलवर दुसऱ्याच वर-वधूच्या लग्नाचा कार्यक्रम सुरू असल्याचे दिसले.
ऑनलाईन गेमच्या नादात ४० लाख घातले, बापाची शेती विकली, राजाचा रंक झाला
दरम्यानच्या काळात संशयित अनिरुद्ध शिंगारे याने पीडित युवतीच्या खात्यातील ९० हजार ५०० रुपयांवरही डल्ला मारला. याशिवाय तिच्या वडिलांनीदेखील त्यांच्या लग्नासाठी चार लाख रुपयांचा खर्च केला.
एकाच झाडावर कापली आयुष्याची दोर, पालघरमधील प्रेमी युगुलाचा वेदनादायी शेवट
