पिंपरी : पिंपरी चिंचवड शहर जसं वाढत आहे तसा पुणे जिल्ह्याचा देखील विस्तार होत आहे. मात्र, तहसील कार्यालय पिंपरी चिंचवडमध्ये असूनही काही गावांना प्रशासकीय काम करून घेण्यासाठी इथपर्यंत यावे लागते, त्यामुळे सर्वसामान्य नागरिकांना मोठा त्रास सहन करावा लागतो आहे. त्यामुळे पुणे जिल्ह्याचे विभाजन करून पिंपरी चिंचवड शहरालगत असणाऱ्या भागाला शिवनेरी जिल्हा म्हणून नाव देऊन पुणे जिल्ह्याचे विभाजन करावं ,अशी मागणी भोसरीचे आमदार महेश लांडगे यांनी उपमुख्यमंत्री देवेंद्र फडणवीस यांच्याकडे केली आहे.
उपमुख्यमंत्री देवेंद्र फडणवीस हे आज पिंपरी-चिंचवड दौऱ्यावर होते. पिंपरी चिंचवड येथे विविध विकास कामांचे उद्घाटन आणि लोकार्पण त्यांनी यावेळी केले. त्यावेळी भाषणादरम्यान आमदार महेश लांडगे यांनी ही मागणी केली आहे. आकुर्डीत असलेल्या ग.दि.मा नाट्यगृहाचे देवेंद्र फडणवीस यांच्या हस्ते उद्घाटन करण्यात आले. यावेळी आणखी विकासकामांचे ऑनलाईन पद्धतीने उद्घाटन करण्यात आले.
उपमुख्यमंत्री देवेंद्र फडणवीस हे आज पिंपरी-चिंचवड दौऱ्यावर होते. पिंपरी चिंचवड येथे विविध विकास कामांचे उद्घाटन आणि लोकार्पण त्यांनी यावेळी केले. त्यावेळी भाषणादरम्यान आमदार महेश लांडगे यांनी ही मागणी केली आहे. आकुर्डीत असलेल्या ग.दि.मा नाट्यगृहाचे देवेंद्र फडणवीस यांच्या हस्ते उद्घाटन करण्यात आले. यावेळी आणखी विकासकामांचे ऑनलाईन पद्धतीने उद्घाटन करण्यात आले.
यावेळी बोलताना महेश लांडगे म्हणाले की, देवेंद्र फडणवीस यांच्यामुळे शहराला पोलिस आयुक्तालय मिळाले आहे. तसेच पिंपरी चिंचवडकरांच्या वतीने आणखी एक मागणी मी करत आहे की, पुणे जिल्ह्याचं विभाजन करून पिंपरी-चिंचवड शहराच्या बाजूच्या परिसराला शिवनेरी जिल्हा म्हणून नाव द्यावे. राजकीय विभाजन नाही, केवळ जिल्ह्याचे विभाजन करा, असेही लांडगे यांनी स्पष्ट केले आहे.
यावेळी जिल्ह्याचे पालकमंत्री चंद्रकात दादा पाटील, पिंपरीचे आमदार अण्णा बनसोडे, मावळचे खा.श्रीरंग बारणे याबरोबरच माडगूळकर कुटुंबीय आणि प्रशासकीय अधिकारी यावेळी उपस्थित होते.