नागपूर: कुटुंबातील सदस्य गच्चीवर वाळायला टाकलेले कुरड्या पापड काढायला गेले अन् महिलेने घरात घुसून अवघ्या ४५ मिनिटांत सात लाखांच्या दागिन्यांवर हात साफ केले. ही घटना जरीपटका पोलिस स्टेशन हद्दीतील मिसाळ ले-आऊट येथे घडली. या घटनेने जरीपटका पोलिसांमध्ये खळबळ उडाली आहे. मंदा राजेश मेश्राम (वय ४७) यांनी दिलेल्या तक्रारीवरुन जरीपटका पोलिसांनी घरफोडीचा गुन्हा दाखल करून महिलेचा शोध सुरू केला आहे.पोलिसांकडून मिळालेल्या माहितीनुसार, मंदा मेश्राम या एलआयसी एजंट आहेत. त्या आई, मुलगा गौरव आणि मुलीसह राहातात. शुक्रवारी सायंकाळी ५.४५ वाजताच्या सुमारास त्यांनी मागील दरवाजाची कडी लावली. समोरील दरवाजाला कुलूप लावून चावी खिडकीत ठेवली व मंदा, त्यांच्या आई व मुलगी अशा तिघी गच्चीवर कुरड्या व पापड काढण्यासाठी गेल्या.
यावेळी गौरव हा बाहेर गेला होता. सायंकाळी ६.३० वाजताच्या सुमारास गौरव हा घरी आला. त्याने दरवाजाचे कुलूप उघडले. यावेळी त्याला तोंडाला दुपट्टा बांधलेली ५० वर्षीय महिला घरात दिसली. तुम्ही माझ्या घरात कशा आल्या व काय करीत आहात,अशी विचारणा गौरव याने महिलेला केली. तुमच्याकडे काम करणाऱ्या बाईला भेटायला आल्याचे तिने सांगितले.
यावेळी गौरव हा बाहेर गेला होता. सायंकाळी ६.३० वाजताच्या सुमारास गौरव हा घरी आला. त्याने दरवाजाचे कुलूप उघडले. यावेळी त्याला तोंडाला दुपट्टा बांधलेली ५० वर्षीय महिला घरात दिसली. तुम्ही माझ्या घरात कशा आल्या व काय करीत आहात,अशी विचारणा गौरव याने महिलेला केली. तुमच्याकडे काम करणाऱ्या बाईला भेटायला आल्याचे तिने सांगितले.
गौरवने आईला आवाज दिला. तेव्हा आईने महिलेला गच्चीवर घेऊन, असे असे गौरवला सांगितले. गौरव महिलेला घेऊन गच्चीवर गेला. मंदा मेश्राम यांनी महिलेला विचारणा केली. चुकीने तुमच्या घरी आल्याचे तिने सांगितले व तेथून निघून गेली. मंदा यांना संशय आला. त्या लगेच घरात गेल्या. आलमारी बघितली असता त्यातील रोख व सोन्या-चांदीचे असे एकूण सात लाख रुपये किमतीचा ऐवज गायब होता.
मागील दरवाजा उघडा होता. मागील दरवाजाची कडी तोडून महिला घरात आली व तिने आलमारीतील दागिने चोरी केल्याचे मंदा यांच्या लक्षात आले. मंदा मेश्राम यांनी जरीपटका पोलिसांत तक्रार केली. पोलिसांनी घरफोडीचा गुन्हा दाखल करून महिलेचा शोध सुरू केला आहे.