छत्रपती संभाजीनगर: नातेवाईकाचे रिसेप्शन उरकून परतताना भरधाव येणाऱ्या दुचाकीस्वाराची दुचाकी दुभाजकावर धडकल्याने झालेल्या भीषण अपघातात तरुणाचा मृत्यू झाला आहे. या अपघातात तरुण विरुद्ध दिशेने वर पडल्याने विरुद्ध दिशेने येणाऱ्या कंटेनरच्या चाकाखाली तो आला. या मुळे त्याचा जागीच मृत्यू झाला. ही घटना लिंबे जळगाव पथकर नाक्याजवळ घडली. या घटनेमुळे बिडकीन गावावर शोककळा पसरली आहे.या अपघाताबाबत पोलिसांनी दिलेल्या माहितीनुसार, तोफिक रफिक शेख (वय १७ वर्षे, रा.बिडकीन ता. पैठण, जिल्हा छत्रपती संभाजीनगर) असे मृत तरुणाचं नाव आहे. बिडकीन येथील एका नातेवाईकाचे काही दिवसांपूर्वी लग्न झालं होतं. लग्नानंतर बिडकीन येथून नातेवाईक लिंबे जळगाव येथील रिसेप्शनसाठी गेले होते. रिसेप्शनमध्ये तोफिक नातेवाईकांसोबत होता. रिसेप्शन संपल्यानंतर तोफिक हा दोन मित्रांसह दुचाकीने घराकडे निघाला. यावेळी त्याच्यासोबत नासिर पठाण व एक सहकारी होता.
एम एस २० यू एफ १६५१ या दुचाकीने तो घराकडे निघाले होते. रस्त्याने जात असताना पत्रकार नाक्याजवळ त्याची दुचाकी दुभाजकावर धडकली. यामध्ये दुचाकीवर सर्वात मागे बसलेला तोफिक हा थेट विरुद्ध दिशेला फेकला गेला. दरम्यान यावेळी भरधाव वेगाने येणाऱ्या कंटेनरच्या चाकाखाली तो आला आणि त्याचा जागीच मृत्यू झाला.
एम एस २० यू एफ १६५१ या दुचाकीने तो घराकडे निघाले होते. रस्त्याने जात असताना पत्रकार नाक्याजवळ त्याची दुचाकी दुभाजकावर धडकली. यामध्ये दुचाकीवर सर्वात मागे बसलेला तोफिक हा थेट विरुद्ध दिशेला फेकला गेला. दरम्यान यावेळी भरधाव वेगाने येणाऱ्या कंटेनरच्या चाकाखाली तो आला आणि त्याचा जागीच मृत्यू झाला.
कंटेनर चालकाला घेतले ताब्यात
दरम्यान त्याला तत्काळ रुग्णालयात दाखल करण्यात आले. मात्र, तेथे डॉक्टरांनी तपासून त्याला मृत घोषित केले. याप्रकरणी आकस्मित मृत्यूची नोंद करण्यात आली असून पोलिसांनी कंटेनर चालकाला त्याला ताब्यात घेतले आहे, अशी माहिती पोलिसांनी दिली आहे. या प्रकरणाचा पुढील तपास पोलीस हेड कॉन्स्टेबल जगदीश खंडाळकर हे करीत आहेत.
दरम्यान अपघाताची माहिती मिळताच रस्त्यावर बघ्यांची मोठी गर्दी जमली होती. घटनेमध्ये तोफिक याचा मृत्यू झाल्याची माहिती कळताच कुटुंबीयांनी टाहो फोडला. दरम्यान या घटनेमुळे तोफिक याच्या कुटुंबीयांवरती दुःखाचा डोंगर कोसळला आहे. तर परिसरात शोककळा पसरली आहे.