अहमदनगर : घरगुती वादातून पतीने पत्नीची हत्या करुन आत्महत्या केल्याची घटना उघडकीस आली आहे. अहमदनगर शहरात हा प्रकार घडला आहे. संदीप रामचंद्र गुजर (वय ५३ वर्ष) असे आत्महत्या करणाऱ्या पतीचे नाव आहे. पत्नी आशा संदीप गुजर (वय ५० वर्ष, दोन्ही राहणार आयकॉन पब्लिक स्कूल जवळ, शिवनेरी चौक,स्टेशन रोड अहमदनगर) हिचा खून करुन त्याने आत्महत्या केल्याचा आरोप आहे. पत्नीच्या हत्येनंतर पतीने तिचा मृतदेह बाथरुममध्ये नेऊन ठेवला, तर नंतर गळफास घेऊन स्वतःची जीवनयात्राही संपवली.
नेमकं काय घडलं?
रात्रीच्या वेळी जेवण करत असताना नवरा बायको यांच्यात घरगुती कारणावरुन वाद झाला. वादानंतर संदीप गुजर याने बायको आशाच्या डोक्यात कुठल्या तरी लोखंडी वस्तूने वार केला. त्यामुळे आशाचा जागीच मृत्यू झाला. त्यानंतर नवर्‍याने बायकोचा मृतदेह बाथरुमध्ये नेऊन ठेवला. दारुच्या नशेत असलेल्या संदीप याने किचनमध्ये जाऊन दोरीच्या सहाय्याने गळफास घेऊन आत्महत्या केली.
सकाळी शेजारी राहणार्‍या नागरिकांना संदीपने आत्महत्या केल्याचा प्रकार खिडकीतून दिसला. स्थानिक नगरसेवकांना याची माहिती देण्यात आली. नगरसेवकांनी पोलिसांना घटनेची माहिती दिली. माहिती मिळताच कोतवाली पोलिस स्टेशनचे पोलिस निरीक्षक चंद्रशेखर यादव यांनी घटनास्थळी धाव घेतली.
घराचा दरवाजा आतून बंद असल्याने तो दरवाजा तोडण्यात आला. घरातील किचनमध्ये संदीप गुजर याने आत्महत्या केल्याचे दिसून आले. तसेच समोरच्या रुममध्ये रक्त सांडलेले दिसून आले. पोलिसांनी घराची झडती घेतली असता बाथरुममध्ये पत्नी आशा मृत अवस्थेत आढळून आली.
Cobra Bite: दोन रुपयाचं नाणं काढताना साप चावला, चिमुरडा दिवसभर गप्प, संध्याकाळी पोरगं हातचं गेलं
दोन्ही मृतदेह जिल्हा रुग्णालयात नेण्यात आले असून पुढील तपास कोतवाली पोलिस करीत आहेत. या दाम्पत्याच्या पश्चात तीन मुली व एक मुलगा असा परिवार आहे.
अनैतिक संबंध असल्याचा संशय, रागात त्यानं प्रेयसी आणि मुलांना संपवलं
वादानंतर संदीप गुजर याने बायको आशाच्या डोक्यात काहीतरी लोखंडी वस्तूने मारले. त्यामुळे आशाचा जागीच मृत्यू झाला. त्यानंतर नवर्‍याने बायकोचा मृतदेह बाथरुमध्ये नेऊन ठेवला. दारुच्या नशेत असलेल्या संदीप याने किचनमध्ये जाऊन दोरीच्या सहाय्याने फाशी घेऊन आत्महत्या केली.
Sangli News: गटांगळ्या खाणाऱ्या पुतणीला काकाने वाचवलं, पण पाय घसरला न् दोघं पुन्हा बुडाले