एसटी बसमध्ये गर्दीमुळे असाच प्रकार सगळीकडे सुरू आहे. अकोला बस स्थानकावर जुमन्ना फय्याज हुसैन (वय ७७) आणि फय्याज हुसैन (वय ८३) हे दोघे मुलीकडे मालेगाव इथे गेले होते. रविवारी दुपारी ते बसने अकोल्यात आले. त्यांना यवतमाळला जायचं असल्यानं बसस्थानकावर आल्यावर यवतमाळ बसमध्ये जागा मिळवण्यासाठी त्यांनी जवळील ५० हजार रुपयांची रोख आणि पाच ग्रॅम सोन्याचे दागिने असलेली बॅग खिडकीतून आत सीटवर टाकली.
मेट्रो-२ बीच्या चेंबूर स्थानकाचा मार्ग मोकळा; उच्च न्यायालयाच्या आदेशाने सुटला तिढा
परंतु प्रवाशांची प्रचंड गर्दी असल्यानं दोघांनाही गाडीत चढता आले नाही. काही प्रवाशांकडे सीटवरील बॅगेची विचारणा केली, त्यांना बॅग नसल्याचे सांगण्यात आले. त्यामुळे बॅग चोरीला गेल्याचा संशय आला. याची माहिती बसस्थानक पोलिस चौकीतील पोलीस कर्मचारी संतोष गावंडे यांच्या कानावर गेली. ठाणेदार घुगे आणि पोलिस कर्मचारी गावंडे यांनी तातडीने एसटी बस चालक, वाहकाशी संपर्क केला. त्यावेळी बॅग असल्याचा दुजोरा दिला. त्यानंतर जिल्ह्यातील मूर्तिजापूरवरून ही बॅग मागवण्यात आली. दरम्यान ही घटना सिव्हिल लाइन पोलीस स्टेशनचे ठाणेदार भाऊराव घुगे यांना कळल्यावर त्यांनी तातडीने सूत्रे फिरवली व काही तासांतच वृद्ध दाम्पत्याची बॅग परत आणून दिली. यानंतर वृद्ध दाम्पत्यांच्या चेहऱ्यावर आनंद फुलला.
विद्यार्थ्यांच्या जीवाशी खेळ ; एकाच रिक्षात १५ ते २० विद्यार्थ्यांना कोंबून प्रवास