सोलापूर: सोलापूर शहरातील जुना विडी घरकुल परिसरात एका तरुणाने कोर्ट वाॅरंटच्या भितीने गळफास घेतला आहे. पत्नीने पतीविरोधात न्यायालयात खटला दाखल केला होता. कोर्टात हजर होण्यासाठी वॉरंट आला आहे या भीतीने ३५ वर्षीय तरूणाने राहत्या घरात गळफास घेऊन आत्महत्या केली. गौस हबीब रहेमान शेख (वय ३५ , रा. जुना विडी घरकुल) असे गळफास घेऊन आत्महत्या केलेल्या तरूणाचे नाव आहे.याबाबत मृत गौसच्या वडिलांनी अधिकृत माहिती देताना सांगितले की, पाच वर्षांअगोदर गौसच लग्न झाले होते. पतीपत्नीत सतत भांडण होत होते. गेल्या अनेक महिन्यापासून दोघे ही विभक्त राहत होते. गौसच्या पत्नीने कोर्टात खटला दाखल केल्यापासून तो नैराश्य जीवन जगत होता. कोर्टाचा वॉरंट आला आहे या भीतीपोटी गौसने टोकाचे पाऊल उचलले. शनिवारी रात्री गौस शेखने राहत्या घरी गळफास घेतला. त्या अगोदर गौस हा पत्नी व तीन वर्षीय मुलीला भेटायला गेला. मुलीसोबत मनसोक्त बोलला आणि जाताना पत्नीला सांगून गेला मी गळफास घेत आहे.
दुर्दैवी! उष्णतेने वैताग आल्याने ते रात्री हवेशीर छतावर झोपायला गेले, मात्र ती ठरली शेवटची रात्र
कोर्ट वॉरंटची भीती होती
दुर्दैवी! उष्णतेने वैताग आल्याने ते रात्री हवेशीर छतावर झोपायला गेले, मात्र ती ठरली शेवटची रात्रकोर्ट वॉरंटची भीती होती
गौस शेख याचा पाच वर्षांपूर्वी विवाह झाला होता. तो सोलापुरात रिक्षा चालवून उदरनिर्वाह करत होता. त्याला एक मुलगी देखील झाली होती. कौटुंबिक वादातून गौसची पत्नी माहेरीच राहत होती. दोन वर्षांपूर्वी गौसच्या पत्नीने पती गौसविरोधात कोर्टात खटला दाखल केला होता. कोर्टात हेलपाटे मारून मारून गौस हा वैतागून गेला होता. अखेर तो तारखांना हजर न झाल्याने त्याविरुद्ध वॉरंट निघाले होते. कोर्ट वॉरंटच्या भीतीने गौसच्या मनात मोठे घर केले होते.
शनिवारी शेवटी पत्नी व मुलीला भेटायला गेला
शनिवारी दुपारी गौस शेख हा पत्नी व मुलीला भेटायला गेला. लीसोबत मनसोक्त बोलला आणि जाताजाता पत्नीला सांगितले, मी गळफास घेणार आहे. कोर्टाचे हेलपाटे मारून मारून थकलोय ,आता वॉरंट देखील निघाले आहे. पत्नीला संदेश देऊन तो घरी गेला आणि राहत्या घरी कोणीही नव्हते. मग त्याने शर्टाच्या साहाय्याने त्याने राहत्या घरी गळफास घेतला.
पिंपरीत कोयता गँगचा धुडगूस! मेडिकल दुकानात पाण्याचे पैसै मागितले, केले धक्कादायक कृत्य
सुनेने सासऱ्याला मोबाईलवरून मेसेज करून माहिती दिली
गौस शेख हा अनेक दिवसांपासून नैराश्याचे जीवन जगत होता. शनिवारी दुपारी त्याने पत्नीला गळफास घेणार आहे अशी माहिती दिली होती. सुनेने पतीच्या वडिलांना म्हणजेच सासऱ्याला मोबाईलवरून मेसेज केला. ते मला गळफास घेणार आहे असे सांगून गेले आहेत, तुम्ही लवकर घरी जा. हा मेसेज पाहून गौसच्या वडिलांनी गौसला फोन करून धीर देण्याचा प्रयत्न केला. गौसचे आई वडील एका कार्यक्रमात गेले होते. त्यांनी ताबडतोब घरचा रस्ता पकडला. घरी पोहोचल्यावर गौस हा दरवाजाला गळफास घेतलेल्या अवस्थेत आढळला. आई वडिलांनी हंबरडा फोडला.
जेवण झाल्यावर महिला घरासमोर शतपावली करत होती, काही कळण्याच्या आत दुचाकीस्वारांनी साधवा डाव
आरडाओरडा होत असल्याने आजूबाजूचे नागरिक जमा झाले. त्यांनी गौसला खाली उतरविले व शासकीय रुग्णालयात उपचारासाठी दाखल केले. डॉक्टरांनी त्याला मृत घोषित केले. रविवारी गौसच्या मृतदेहाचे शवविच्छेदन करून नातेवाईकांच्या ताब्यात देण्यात आले. शासकीय रुग्णालयात मृतदेह ताब्यात घेण्यासाठी आल्यानंतर गौसचे वडील रहमान शेख यांनी घडलेली हकीकत सांगितली.