पालघर :मुंबई- अहमदाबाद महामार्गावर बर्निंग कंटेनरचा थरार पहावयास मिळाला आहे. राष्ट्रीय महामार्गावर एका धावत्या कंटेनरला अचानक आग भीषण लागली. राष्ट्रीय महामार्गावर पालघर जिल्ह्यातील मेंढवण नजीक चिंचपाडा येथे ही घटना घडली असून सुदैवाने यात कोणतेही जीवितहानी झालेली नाही.मुंबई- अहमदाबाद राष्ट्रीय महामार्गावर गुजरातहून मुंबईच्या दिशेने मारुती सुझुकी कंपनीच्या कार घेऊन जाणाऱ्या एका कंटेनरने अचानक पेट घेतला. राष्ट्रीय महामार्गावर मेंढवण नजीक चिंचपाडा येथे कंटेनर क्रमांक आर.जे 47 जी.ए. 4025 भीषण या धावत्या कंटेनरला अचानक आग लागली.
कंटेनरला अचानक आग लागल्याचे कंटेनर चालक शिवराज मिना लक्षात आले. त्यांनी प्रसंगावधान दाखवत कंटेनर महामार्गावर रस्त्याच्या कडेला उभा केला. पाहता पाहता कंटेनरला लागलेल्या या आगीने रौद्ररूप धारण केले.
कंटेनरला अचानक आग लागल्याचे कंटेनर चालक शिवराज मिना लक्षात आले. त्यांनी प्रसंगावधान दाखवत कंटेनर महामार्गावर रस्त्याच्या कडेला उभा केला. पाहता पाहता कंटेनरला लागलेल्या या आगीने रौद्ररूप धारण केले.
घटनेची माहिती मिळताच पोलीस प्रशासन व अग्निशमन दलाचे जवान घटनास्थळी दाखल झाले. कंटेनरला लागलेल्या भीषण आगीमुळे राष्ट्रीय महामार्गाच्या गुजरात मामर्गिकेवरील वाहतूक देखील काही काळ थांबवण्यात आली.
बुलढाण्यात अज्ञातांनी क्षणार्धात पेटवली सनरूफ कार, सीसीटीव्ही’मध्ये कैद झाला थरार!
अग्निशमन दलाने कंटेनरला लागलेल्या या भीषण आगीवर नियंत्रण मिळवले आहे. सुदैवाने या घटनेत कोणतीही जीवितहानी झालेली नसून कोणालाही दुखापत झालेली नाही.
कंटेनरमध्ये विद्युत बिघाड झाल्याने शॉर्टसर्किटने ही आग लागल्याचा प्राथमिक अंदाज वर्तवण्यात आला आहे. या आगीत संपूर्ण कंटेनर व कंटेनरमधून वाहतूक होत असलेल्या कार पूर्णपणे जळून खाक झाल्या असून लाखो रुपयांचे नुकसान झाले आहे.
पाहा व्हिडिओ :
वीस वर्षांचं सहजीवन, पण दुसऱ्या बायकोची एक गोष्ट डोक्यात गेली, पतीने भररस्त्यात संपवलं