चंद्रपूर:दोन दिवसापासून जिल्ह्यात वादळी पाऊस सुरु आहे. शनिवारच्या रात्री जिल्हात विजेचा तांडव पाहायला मिळाला. विज अंगावर कोसळून दोघांचा मृत्यू झाला आहे. तर एक बैल दगावला आहे. नवलाजी लडके, पुंढलीक चेडे अशी मृतकांची नावे आहेत. अवकाळी पावसामुळे जिल्ह्यात मोठे नुकसान झाले आहे.मागील दोन दिवसापासून जिल्हात विचित्र वातावरण सुरू आहे. दिवसभर उन्हे तर रात्री वादळी पाऊस सुरु आहे. शनिवारच्या रात्री मेघगर्जनेसह अवकाळी पावसाने जिल्ह्याला झोडापून काढले. चंद्रपुर शहरालगत असलेल्या दाताळा गावातील शेतशिवारात वीज पडून शेतकऱ्याचा मृत्यू झाल्याची घटना घडली. पुंडलीक चेडे वय (६१) असे मृतक शेतकऱ्याचे नाव आहे. तो दाताळा गावातील रहिवाशी आहे. शेतात काम करत असताना अचानक पाऊस सुरू झाला. घराकडे येत असताना वीज पडून त्यांचा मृत्य झाला. मृत्यूची वार्ता कळताच गावात शोककळा पसरली आहे. घटनेची माहिती पोलिसांना देण्यात आली. पोलीसानी घटनास्थळ गाठून पंचनामा केला आहे.

मराठवाड्यातील प्रवाशांसाठी मोठी बातमी, मुंबईला जाणाऱ्यांना दादरलाच उतरावं लागणार, कारण…
दुसरी घटना ब्रह्मपुरी तालूक्यात घडली. तालुक्यातील धानोलीपोहा चक येथील नवलाजी बळीजी लडके (वय ४०) हे म्हशी राखायला गेले होते. त्याच दरम्यान विज कोसळली. यात त्यांचा दुदैवी मृत्यू झाला. सावली, राजुरा तालुक्यात विज कोसळल्याने दोन बैल दगाविले आहेत.

अवकाळी पावसाचा फटका, कापूस पिवळा पडत असल्याने चिंतेत वाढ, शेतकरी दुहेरी संकटात
‘या’ गावात झाले मोठे नुकसान

मूल तालुक्यात वादळी पावसामुळे चार घरांची पडझड झाली. चंद्रपूर शहरात मोबाईल टॉवर कोसळले आहेत. शहराच्या विविध भागात २५ झाडे कोसळली आहेत. काही झाडे वीज खांबावर कोसळल्याने वीजेच्या तारा तुटल्या होत्या. तीन ते चार तास वीज पुरवठा खंडित झाला होता.

पंजाब पोलिसांची मोठी कारवाई; खलिस्तान समर्थक अमृतपाल सिंग याला अटक
तात्काळ पंचनामे कराः मुनगंटीवार

जिल्ह्यात वादळी पावसामुळे अनेक तालुक्यातील पिकांचे व घरांचे नुकसान झाले आहे. झालेल्या नुकसानीचे तात्काळ पंचनामे करण्याचे निर्देश जिल्ह्याचे पालकमंत्री सुधीर मुनगंटीवार यांनी जिल्हाधिकारी यांना दिले आहेत.

धुळेकरांना काश्मीरमध्ये असल्याचा भास; लिंबाएवढ्या गारांचा पाऊस, रस्ते झाले बर्फाच्छादित