सातारा :रायगाव (ता. जावली ) येथील छाबडा कॉलेजमधील विद्यार्थ्यांचा चोरगेवाडी हद्दीत कण्हेर धरणात पोहताना बुडून मृत्यू झाला. ही घटना शनिवारी दुपारी दोनच्या सुमारास घडली. या दुर्दैवी घटनेने सर्वत्र हळहळ व्यक्त होत आहे. स्वराज संभाजीराव माने-देशमुख (वय-२३, रा. अकलूज ,सध्या रा. मंगळवार पेठ सातारा) असे बुडालेल्या युवकाचे नाव आहे. रेस्क्यू टीमचे बोटीच्या सहाय्याने शोध घेण्याचे काम उशिरापर्यंत सुरू होते. सायंकाळी ही शोध मोहीम थांबवण्यात आली. उद्या सकाळी ती सुरू करण्यात येणार आहे.अक्षय तृतीया व रमजान ईदनिमित्त सर्व कॉलेज व शाळांना सुट्टी असल्याने छाबडा कॉलेजचे सुमारे १० विद्यार्थी मिळून शनिवारी (दि. २२) रोजी धरणावर पोहण्यास गेले होते. दरम्यान स्वराज हा लांबवर धरणातील पाण्यात पोहत गेला असता त्याला दम लागून तो पाण्यात बुडाला. स्वराज बुडाल्याचे समजल्यावर त्याच्यासोबत असलेल्या मित्रांनी आरडाओरडा केला. परंतु, धरणात लांब पाण्यामध्ये स्वराज बुडाल्याने वाचवता आले नाही.

धक्कादायक! महिलेला तिचा जिम वर्कआउटचा फोटो व्हॉट्सअप केला, खाली लिहिला अश्लील मेसेज, विनयभंगाचा गुन्हा दाखल
स्वराज हा छाबडा येथील कॉलेजमध्ये बीएचएमएसच्या दुसऱ्या वर्षांमध्ये शिकत असून तो सातारा येथे राहत होता. त्याच्या पश्चात आई, वडील व लहान भाऊ आहे. या घटनेची माहिती मिळताच धरण परिसरातील नागरिकांनी धरणावर गर्दी केली आहे. याबाबतची माहिती सातारा तालुका पोलिसांना मिळताच पोलिस घटनास्थळी दाखल झाले आहेत.

RCB vs RR Pitch Report: आरसीबीच्या घरात होणार राजस्थानचा हल्लाबोल, जाणून घ्या कशी आहे खेळपट्टी आणि हवामान
श्रीमंत छत्रपती शिवेंद्रराजे रेस्क्यू टीमला पाचारण करण्यात आले

खोल पाण्यामध्ये बुडालेल्या स्वराजला पाण्याबाहेर काढण्यासाठी श्रीमंत छत्रपती शिवेंद्रराजे रेस्क्यू टीमला पाचारण करण्यात आले आहे. ही घटना धरणाच्या मध्यभागीच घडल्याने शोध घेण्यासाठी अडथळे निर्माण होत होते. यावेळी परिसरातील नागरिक व विद्यार्थी मोठ्या संख्येने जमा झाले होते.

के चंद्रशेखर राव यांचा बीआरएस पक्ष राज्यात मुसंडी मारण्याच्या तयारीत, भाजप-सेना आमदार संपर्कात असल्याचा दावा
उद्या सकाळी पुन्हा राबविणार शोधमोहीम

याबरोबरच कराड रेस्क्यू टीमला पाचरण करण्यात आले. या दोन्ही टीमच्या मदतीने बुडालेल्या युवकाचा शोध घेतला जाणार आहे, असे सांगण्यात आले. उद्या सकाळी शोध मोहीम पुन्हा राबविण्यात येणार आहे.